web counter
LEXO PA REKLAMA!

SHKARKO APP

E fundit!

x

Gjyqi i Klement Balilit/ Pritet të dalë vendimi

7 Maj 2019, 11:45, Aktualitet CNA

Ka përfunduar seanca e sotme gjyqësore për Klement Balilin, i cilësuar si ?Eskobari i Ballkanit?.

Avokati i tij, Theodhori Sollaku ka kërkuar pafajësi për klientin e tij dhe ka refuzuar akuzat e Prokurorisë, ndërkohë që trupa u tërhoq për të marrë vendimin.

Prokuroria e Krimeve të Rënda vetëm disa javë më parë kërkoi dënimin e Balilit me 18 vite burg, i cili në rast të shpalljes fajtor, për shkak të gjykimit të shkurtuar rrezikon që të vuajë 12 vite burg, pasi përfiton uljen e 1/3 së dënimit.

Prokuroria gjithashtu i dërgoi një kërkesë gjykatës, nëpërmjet së cilës kërkonte edhe sekuestrimin e pasurive të Balilit. Bëhet fjalë për një truall me sipërfaqe 11.994 m2 në qytetin e Sarandës.

Balili u vetëdorëzua në polici më 15 janar, në fshatin Stjart të Delvinës, por nuk i ka pranuar akuzat.

Akuzat e ngritura ndaj Balilit janë ?Trafikim i lëndëve narkotike, kryer në bashkëpunim?, ?Pjesëmarrje në grup të strukturuar?, ?Refuzim për deklarim, mosdeklarim, fshehje ose deklarim i rremë i pasurive? si dhe ?Pastrim parash?





Lajmet e fundit nga