Kryebashkiaku i varfër/ Gruaja i "merr" postin Armando Subashit

7 Maj 2019, 09:42, Aktualitet CNA

Kryeministri Edi Rama ka konfirmuar para pak ditësh rikandidimin e Armando Subashit për një mandat të dytë në krye të Bashkisë së Fierit në zgjedhjet lokale të 30 qershorit.

Gjatë këtij mandati, Subashi është akuzuar në vijimësi nga Opozitë për shpërdorim detyre.

Kujtojmë se në vitin 2017 Partia Demokratike e Fierit kallëzoi në prokurori kryebashkiakun Subashi për abuzim me detyrën.

Sipas kreut të PD së Fierit, Luan Baçi, bashkia e Fierit kishte bërë prishje selektive në funksion të rikonstruksionit të bulevardit kryesor të qytetit.

Edhe LSI nuk ka qëndruar pas me akuzat ndaj tij. Kryetarja e LSI -së, Monika Kryemadhi, gjatë një takimi me strukturat në Fier, ka akuzuar kryetarin e Bashkisë Armando Subashi, se nuk ka bërë aq sa duhet për qytetarët e Fierit.

Sipas saj, bashkia e Fierit, nuk drejtohet nga ?kryetari? por nga ?gruaja? e tij.

?Ju e dini vetë shumë mirë dhe e ndjeni këtu në Fier sesi socialistët për të shkuar dhe për të mbaruar një punë Bashkinë e Fierit nuk e mbarojnë dot sepse ne e dimë të gjithë dhe e thotë i gjithë Fieri që Kryetari i Bashkisë së Fierit nuk është Kryetari, por është gruaja e Kryetarit, e thonë fierakët vetë?, tha Kryemadhi.

I akuzuar nga Opozita apo jo, kryeministri Edi Rama duket se nuk ka në mend që të ndërrojë kandidat për kryebashkiak të Fierit.

Por, si ka ndryshuar pasuria e Subashit, gjatë kohës që ka drejtuar Bashkinë e Fierit.

Në vitin 2012 dhe 2013 ai deklaronte vetëm pagën e tij si deputet dhe pagën e bashkëshortes, ndërsa në vitin 2014 përveç pagave deklaronte edhe llogari bankare një në shumën 1 427 677 lekë, ndërsa një tjetër për të cilën thotë se ishte pakësuar me 70 897 lekë.

Në vitin 2016 ai ka deklaruar katër llogari bankare në shumat 989 144 lekë, 648 225 lekë, 2 952 397 lekë dhe 92 lekë.

Ndërsa në vitin 2017 deklaron se ka marrë një kredi bankare me principal 3 000 000 Lekë, afat 60 muaj, disbursuar në datë 27.12.2017 dhe këst mujor 57 859 Lekë, duke mos e specifikuar se për çfarë.

Gjithashtu ai ka deklaruar edhe katër llogari bankare në shumat 1 094 063 lekë, 3 492 331,44 lekë, 2 880 397,4 lekë si dhe 46,56 lekë.

Më poshtë po sjellim pasurinë e deklaruar nga Armando Subashi, përgjatë viteve 2012-2017, sipas të dhënave të Open Spending Albania.

Viti 2012

Të ardhura nga paga dhe përfitime të tjera financiare si Deputet i Kuvendit të Shqipërisë 3 176 051 lekë.

Bashkëshortja, të ardhura nga paga 391 284 lekë.

Viti 2013

Të ardhura nga paga dhe përfitime të tjera financiare si Deputet i Kuvendit të Shqipërisë 2 628 084 lekë.

Bashkëshortja, të ardhura nga paga si punonjëse pranë Bashkisë Fier 405 852 lekë.

Viti 2014

Të ardhura nga paga, 2 789 802 lekë.

Bashkëshortja, të ardhura nga paga 504 687 lekë.

Viti 2016

Të ardhura nga paga si Kryetar i Bashkisë Fier, 1 366 758 lekë.

Të ardhura si Anëtar i Këshillit të Qarkut Fier, 70 210 lekë.

Bashkëshortja, Znj. Irena Subashi, të ardhura nga paga pranë Drejtorisë Arsimore Rajonale Fier, 594 937 lekë.

Të ardhura nga shitje automjeti më 09.08.2016, 100 000 lekë.

Gjendje llogari bankare më 31 dhjetor, 989 144 lekë.

Gjendje llogari bankare më 31 dhjetor, 648 225 lekë.

Gjendje llogari bankare më 31 dhjetor, 2 952 397 lekë.

Bashkëshortja, gjendje llogari bankare më 31 dhjetor, 92 lekë.

Viti 2017

Të ardhura nga paga dhe shpenzime të tjera nga Bashkia Fier, 1 363 832 Lekë.

Të ardhura si anëtar i Këshillit të Qarkut Fier, 106 719 Lekë.

Bashkëshortja, të ardhura nga paga pranë Drejtorisë Arsimore Rajonale Fier, 635 460 Lekë.

Gjendje llogarie me vlerë 1 094 063 Lekë pranë BKT, krijuar nga paga si Kryetar i Bashkisë Fier në periudhën 2015-2016 dhe pagesa nga Këshilli i Qarkut Fier, e përbashkët me bashkëshorten.

Gjendje llogarie me vlerë 3 492 331,44 Lekë pranë Raiffeisen Bank, krijuar nga paga si Kryetar i Bashkisë Fier dhe disbursimi i kredisë me vlerë 3 000 000 Lekë, e përbashkët me bashkëshorten.

Gjendje llogarie me vlerë 2 880 397,4 Lekë pranë Credins Bank, krijuar nga të ardhurat si Deputet i Kuvendit të Shqipërisë, e përbashkët me bashkëshorten .

Kredi bankare me princial 3 000 000 Lekë, afat 60 muaj, disbursuar në datë 27.12.2017 dhe këst mujor 57 859 Lekë. Detyrimi i mbetur në 31 Dhjetor 2017 është 3 000 000 Lekë, kësti i parë i pagesës fillon në 08.02.2018.

Bashkëshortja, gjendje llogarie me vlerë 46,56 Lekë pranë Credins Bank, krijuar nga paga pranë Drejtorisë Arsimore Rajonale Fier.

Prishje selektive/PD denoncon kryebashkiakun e Fierit, Armando Subashi