E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gazetari “shpërthen” ndaj AKU-së/ “Nuk e vë në punë as dënimi me vdekje”

7 Maj 2019, 16:13, Aktualitet CNA

Gazetari Mentor Kikia në një postim në rrjetet sociale ka shpërthyer ndaj vendimit të qeverisë për dënime me burg për ata që cënojnë sigurinë ushqimore.

Sipas Kikisë, problemi me sigurinë ushqimore qëndron tek AKU e cila është përdorur sistematikisht për gjobëvënie.

Kikia shkruan se AKU nuk është drejtuar asnjëherë nga njerëz të fushës…

Postimi i plotë:

Qeveria ka vendosur të ashpërsojë ligjet për cënimin e sigurisë ushqimore, duke parashikuar edhe denimin me burg, me shpresën se do të ndalojë abuzimet në këtë fushë. Ashpërsimi i ligjit, në fakt, shikohet si zgjidhje sa herë institucionet nuk funksionojnë. Dhe kontrolli i sigurisë ushqimore është një nga ata më tipikët e mosfunksionimit apo të keqfunksionimit.

Unë kam një pyetje të thjeshtë: Përse është kaq e vështirë të kontrollosh dhe të ndëshkosh atë që abuzon?

Përgjigja e parë që do të të vijë, është se s?ka laboratorë të specializuar. Po përse nuk i ndërtojmë, kur kemi kaq shumë nevojë për të ofruar sigurinë tek konsumtori vendas dhe të krijojmë besimin tek tregu i huaj, që na ka futur në karantinë duke mos na lejuar asnjë lloj eksporti blegtoral. Sa për dijeni, Maqedonia fqinje eksporton mish në çdo vend të BE-së.

Në këto kushte, kur nuk kryen dot funksionin për të cilin është krijuar, AKU është përdorur sistematikisht si një bandë gjobëvënësish. Gjoba ndaj atyre që nuk ka qenë në listën e financuesve të partisë e gjoba ndaj atyre që nuk lubrifikojnë rrotën e korrupsionit brenda institucionit.

Sot AKU po kërkon ta gjejë shpëtimin tek burgu. Po si do të futen abuzuesit në burg, kur nuk bëhet dot analizat e produktit? Apo burgu do të jetë ?Gogoli?, që do të trembë sërish ata që nuk paguajnë?

Në fakt problemi nuk është as burgu e as dënimi me vdekje. Problemi ka qenë dhe është vetë AKU, e cila është drejtuar nga cdo lloj personi i mundëshëm, vetëm nga specialistë të fushës jo.

Ky i fundit është më tipiku i paduhuri në atë vend!/CNA.al