web counter
LEXO PA REKLAMA!

SHKARKO APP

App Store
Google Play

Të rejat më të fundit nga Berlini/ Shqipëria dhe hapja e negociatave me BE-në

29 Prill 2019, 17:24, Kosova & Bota CNA

Shqipëria pret që në fund të muajit maj të publikohet raporti i Komisionit Europian për progresin e bërë nga Shqipëria në raport me 5 prioritetet kyçe dhe nëse do të rekomandohet hapja e negociatave apo jo.

Teksa pritshmëritë e qeverisë shqiptare për këtë raport u bënë objekt bisede në takimin që kryeministri Edi Rama pati me kancelaren gjermane Angela Merkel në kuadër të Samitit të Berlinit, burime për radion gjermane “Deutsche Welle” nga CDU/CSU, thanë se vendimi i tyre do të shtyhet në shtator.

Sipas DW, mësohet nga qarqet politike pranë CDU-së, afati kohor që nga publikimi i raportit të progresit të BE-së, më 29 maj deri në samitin e BE-së në qershor, nuk mjafton për të marrë një vendim për çeljen e negociatave.

Qarqet diplomatike nga Berlini rikonfirmojnë për DW se Franca nuk dëshiron ta zërë fare në gojë çështjen e zgjerimit të BE-se në prag të zgjedhjeve për Parlamentin Europian, që do të mbahen në fund të majit.





Lajmet e fundit nga