web counter
LEXO PA REKLAMA!

SHKARKO APP

App Store
Google Play

E fundit!

x

Protesat në Rumani/ Nisin hetimet për dhunën

14 Gusht 2018, 10:51, Kosova & Bota CNA

Rumania ka hapur një hetim lidhur me dyshimet për dhunë të ushtruar nga policia gjatë protestave të javës së kaluar kundër qeverisë së majtë, ku mbetën më shumë se 450 persona të lënduar, përfshirë 30 policë, të cilët u lënduan dhe rreth 30 u arrestuan.

Rreth 80 mijë vetë, shumica prej tyre rumunë që jetojnë jashtë vendit,demonstruan të premten në mbrëmje në Bukuresht, duke akuzuar qeverinëpër korrupsion dhe duke kërkuar që ajo të japë dorëheqjen.

Policia përdori gaz lotsjellës, makina me ujë, spraj me piper dhe shkopinj për të shpërndarë turmën. 

“Deri tani, kemi marrë rreth 30 ankesa dhe kolegët e mi po marrin në pyetje ata që u plagosën, dhe të gjithë ata që dyshohet se kanë vepruar kundër ligjit do të merren në pyetje “-tha prokurori Ionel Corbu.

Prokurorët do të analizojnë video-regjistrimet e forcave të sigurisë, mediave dhe demonstruesve. 

Ambasada izraelite tha të hënën se katër nga qytetarët e saj u tërhoqën nga një taksi nga forcat e sigurisë dhe u rrahën edhe pse nuk morën pjesë në protestë dhe treguan pasaportat e tyre.

Ndërsa policia ka thënë se ata janë përgjigjur në një mënyrë “graduale dhe proporcionale” ndaj dhunës që pretendohet nga dhjetëra huliganë të futbollit që u përpoqën të thyenin kordonin e policisë dhe hodhën drejt tyre gurë dhe shishe uji.

Gjithashtu, Klaus Iohannis, një kritik i qeverisë, ka dënuar “ndërhyrjen brutale të policisë”.

Kancelari austriak Sebastian Kurz, ka kritikuar gjithashtu përleshjet, ku një kameraman i transmetuesit publik të Austrisë u lëndua.

Gjatë 15 viteve të fundit, rreth 4 milionë njerëz janë larguar nga vendi, një nga vendet anëtare më të varfra dhe më të dëmtuara në Bashkimin Europian, me një pagë mesatare mujore prej vetëm 520 euro.





Lajmet e fundit nga