"Shqipëria që duam", portal mashtrues/ Qytetarët kapin duke gënjyer Ramën

27 Prill 2019, 06:54, Aktualitet CNA

Portali “Shqipëria që duam”, është mjeti kryesor, propagandistik i Qëeverisë. Çdo të mërkurë, kryeministri Edi Rama, i kushton një hapësirë për më shumë se dy orë, këtij portali me pretendimin se ka zgjidhur shqetësimet e qytetarëve,

Por, realisht nuk ndodh kështu. Gjithçka duket se është mashtrim. Një numër jo i vogël qytetarësh e kanë provuar dhe jo vetëm që nuk kanë gjetur zgjidhje, por nuk kanë marrë as përgjigje.

Një gjë e tillë i është thënë nga qytetarët Kryeministrit, në propagandëne radhës në rrjetet sociale.

“Mirëmëngjes..dhe me shembullin e Violetës, mësueses së matematikës nga Narta, që pavarësisht përgjigjeve refuzuese të burokracisë e kërkoi me ngulm rillogaritjen e pensionit të saj, duke u ankuar më në fund në platformën shqiperiaqeduam.al, ju uroj një fundjavë të mbarë”, shkruan Rama në rrjetet sociale, duke e shoqëruar citatin dhe me një video.

Menjëherë kanë reaguar me komente qytetarët, duke i zbuluar gënjeshtrat. Komentet që e nxjerrin zbuluar Ramën dhe propagndën e tij, në pjesën më të madhe fshihen, por, sot duket se stafi i kryemistrit nuk ka qenë aq i vëmendshëm.

“Unë nuk jam në pension z. kryeministër, por kam insistuar aq shumë te “Shqipëriaqëduam”, sa nuk e ke idenë për diçka të drejtë, por nuk gjeta zgjidhje aq më tepër më injoruan z. Kryeministër. Kur një zyrë e juaja sillet në këtë mënyrë çfarë duhet të pres, çfarë duhet të bëj? Ju lutem jo vetëm fjalë të bukura ose dikush tjetër menaxhon këtë faqe ose nuk i merr për bazë ato që shkruajnë”, ka komentuar një qytetar.

Reagimi i mëparshëm është pasur me ironinë e një qytetari.

“Mbani mirë pensionistët të paktën mos të ikin dhe ata se gjithë të rinjtë e krahu i punës kanë ikur dhe po ikin rrugëve të botës”, ka ironizuar një qytetar, propagandën e Ramës.

Ndërkaq një tjetër ia ka thënë copë, se kjo që po bën, nuk është as më shumë e as më pak, përveçse një show.

“E sikur të gjitha problemet të zgjidheshin kaq lehtë si i kësaj zonjës, të jesh i bindur zoti Rama se do ishim shumë të lumtur.

Po ja që ky që thoni ju është thjesht një show dhe realiteti është ndryshe. Duhet shumë punë, nuk kemi nevojë për show. Unë personalisht jam hasur me shumë probleme dhe për çfarë për një letër të thjeshtë”, reagon një tjetër qytetar./CNA.al