web counter
LEXO PA REKLAMA!

SHKARKO APP

App Store
Google Play

E fundit!

x

Merr "flakë" Petrit Vasili/ Injoron "Bindjen...," ofendon deputetët e listës

24 Prill 2019, 21:09, Aktualitet CNA

Ish kryetari afatshkurtër i LSI-së, deputeti mandardjegur, Petrit Vasili, ka shpërthyer në akuza të pambështetura në fakte ndaj partisë së më të re “Bindja Demokratike”, ndërsa e ka lëshuar gojën duke përdorur retorikë ofenduese banale, ndaj deputetëve të listës që pranuan mandatin.

I ndodhur në studion e lajmeve të TV “Ora News”, hyrjen në skenë të  subjektit “Bindja Demokratike”, Vasili e ka komentuar si krijesë të Edi Ramës, duke deduktuar pakuptueshmërisht së emri që ajo ka mban vulen e Ramës.

“Se kam në llogari fare këtë parti. Nuk kam asgjë. Ai që e krijoi është Edi Rama, pyeteni atë çfarë ka pasur në mendje edhe në stilistikën e vënies së emrit, se është në stilin e tij. Nuk e kam fare në hesapet e mia, nuk më intereson”, – ka qenë reagimi i Petrit Vasilit, pas pyetjes së intervistueses.

Ndërkohë ai nuk ka ngurruar të komentojë dhe veprimin e deputetëve të rinj që me pranimin e mandateve thyen bojkotin e shpallur solemnisht nga liderët drejtues të opozitës Basha dhe Kryemadhi.

Ndërsa ka ashpërsuar tonin e zerit, Petrit Vasili, i ka etiketuar ata si “patate të kalbura…”

” Kam një përcaktor që do ti qëndroj besnik. I kam quajtur patate të kalbura dhe do të vazhdoj ti quaj të tilla. Nga kalbësira nuk lind asgjë vetëm erë e keqe, e dini dhe ju kur ju kalbet ndonjë gjë në shtëpi”, – ka qnë artikulimi i drejtëpërdrejtë i Vasilit./CNA.al





Lajmet e fundit nga