web counter
LEXO PA REKLAMA!

SHKARKO APP

App Store
Google Play

E fundit!

x

Rudina Hajdari uron Pashkët/ U bën apel politikanëve

21 Prill 2019, 08:42, Aktualitet CNA

Deputetja e opozitës, Rudina Hajdari, ka bërë një urim me rastin e Pashkëve Katolike. Ajo ka shpërndarë një mesazh të Imzot George Frendos duke uruar Gëzuar Pashkët!

Përveç mesazhit për Pashkët, Hajdari ka komentuar edhe situatën politike në vend duke thënë se po kremtojnë Pashkët në një moment kritik dhe të tensionuar.

Në një postim në rrjetet sociale, Hajdari u ka bërë apel politikanëve që të angazhohen për një zgjidhje te drejtë. Ajo shprehet se nuk e do vetëvrasjen e kombit.

Postimi i plotë:

Me këtë mesazh kuptimplotë të Imzot George Frendos, ju uroj Gëzuar Pashkët!

Imzot George Frendo: MESAZHI PËR PASHKËT (2019)

Te dashur degjues, Gezuar Pashket!

Sivjet po kremtojmë Pashkët në një moment shumë kritik dhe të tensionuar në Shqiperi. Unë nuk jam politikan, por si bari që i do Shqipërinë dhe Shqiptarët, nuk mund të hesht përballë kësaj situate. U bëj apel të gjithë politikanëve: kanë detyrë morale të angazhohen për një zgjidhje të drejtë. Le të shqetësohen më shumë për të mirën e përbashkët sesa për pozitën që kanë. Situata tashmë është shumë e rënde, por më shumë të zgjasë, më shumë të mëdha do të jenë pasojat për popullin. NUK DUAM VETËVRASJEN E KOMBIT!

Krishti i ngjallur, në takimet e tij me njerëzit e shumtë, pati gjithmonë të njëjtin urim: ?Paqja me ju!? Atyre që mbajnë inat në zemrat e tyre, që merren me ndjenja hakmarrjeje, Krishti u thotë: ?Falni, ashtu si unë ju kam falur?. Atyre që protestojnë me dhunë dhe vandalizëm, i kujton fjalët e tij drejtuar Pjetrit: ?Të gjithë ata që rrokin shpatën, nga shpata do të vdesin?. Dhe atyre që kanë autoritet politik i kujton se, në darkën e tij të fundit, pasi i lau këmbët e apostujve, u tha: ?Ju dhashë shembull që, sikurse ju bëra unë juve, të bëni edhe ju?. Përfaqësuesit e popullit duhet të jenë shembull për popullin./CNA.al





Lajmet e fundit nga