E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Denoncimi në “Fiks Fare”/ Reagon drejtori i Spitalit të Korçës

16 Prill 2019, 12:47, Aktualitet CNA

Pas denoncimit të mbrëmshëm në emisionin ?Fiks Fare? për kushtet e urgjencës së spitalit rajonal të Korçës dhe veprimet e punonjësve të saj, ka reaguar drejtori i këtij spitali Ardit Konomi.

Në një postim në rrjetet sociale, mjeku Ardit Konomi shkruan se urgjenca e Spitalit të Korçës trajton mbi 20,000 (njëzet mijë) raste në vit.

Sipas tij, në këtë spital ka një personel që pret dhe kalon nëpër duar infarktet, aksidentet, dhimbjet e barkut, të intoksikuarit, të dehurit, të ngeshmit, e të tjerë.

Ndërsa rendit vështirësit me të cilat duhet të përballen çdo ditë mjekët dhe infermierët e këtij spitali, ai shkruan se ?Besoj qe askush nga keta qe e kane te lehte fjalen dhe gati mallkimin, nuk e di cdo te thote te jesh dhe punosh i vetem si reanimator, kirurg, urgjentist, pediater, neurolog e cfaredoqofte dhe te mbash mbi shpatulla pergjegjesine e jetes dhe vdekjes te 300,000 (treqind mije) bashkeqytetareve te qarkut qe i sherben.?.

Reagimi i plotë:

Do them dy-tre gjera sic i njoh dhe i shoh, m?i merrni si te doni.

Urgjenca e Spitalit te Korces trajton mbi 20,000 (njezet mije) raste ne vit. Ka nje personel qe pret dhe kalon neper duar infarktet, aksidentet, dhimbjet e barkut, te intoksikuarit, te dehurit, te ngeshmit, e te tjere. Ka 8 (tete) autoambulanca qe nuk kane pushim sepse duhet te gjenden atje ku ndodh nje ngjarje me pasoja shendetesore, duhet te shkojne ne familjet ne nevoje per ndihme, duhet te cojne pacientet neper qendrat universitare dhe keshtu me radhe.

Spitali trajton mbi 25,000 (njezet e pese mije) paciente qe shtrohen cdo vit per patologji te ndryshme dhe marrin trajtim ketu. Ka 510 shtreter dhe mbi 550 vete personel.

Ka patur 3 (tre) ankesa per sherbimin gjate 2018 dhe 1 (nje) gjate ketyre muajve te 2019.

Personeli i tij perfshin mjeke, infermiere, punonjes te mirembajtjes. Shumica punojne me tre turne. Mjeke qe ne shumicen e tyre, nuk kane as pushim, as pushime, as dite e nete te dedikuara familjes dhe shoqerise sepse gdhihen dhe ngrysen me telefon ne vesh duke i mbajtur rrobat e dites tek koka e krevatit te nates, qe t?i kene gati per t?i veshur nderkohe qe i pergjigjen thirrjes te urgjences.

Infermiere qe duhet te njohin dhe jetojne me historine e cdo pacienti te sherbimit te tyre. Qe ndjekin trajtimet e kurat dhe iu bejne pacienteve te tyre, sherbime qe edhe nena dhe ati dhe evlati e ka veshtire t?ia u beje.

Ka me dhjetra njerez qe punojne dite e nate per te siguruar higjienen dhe pastertine, ngrohjen, regjimin dhe qetesine, ushqimin, ndricimin, mirembajtjen e aparaturave dhe pajisjeve e shume te tjera, ne kushte shume te veshtira sepse per fat te keq, ne nuk shquhemi per popull qe e ka per zemer pronen publike dhe rregullin.

Ka shume mjeke qe degjojne dhe durojne gjithfare akuzash dhe llafesh, etiketimesh dhe publikimesh nga po ata njerez qe kur iu vjen dita qe iu nevojitet ndihma, i presin te performojne si Zoti dhe t?i sherojne me nje te prekur.

Besoj qe askush nga keta qe e kane te lehte fjalen dhe gati mallkimin, nuk e di cdo te thote te jesh dhe punosh i vetem si reanimator, kirurg, urgjentist, pediater, neurolog e cfaredoqofte dhe te mbash mbi shpatulla pergjegjesine e jetes dhe vdekjes te 300,000 (treqind mije) bashkeqytetareve te qarkut qe i sherben.

Shoh qe te gjithe ata qe i lane spitalet per vite te tera pa mjeke specialiste, pa ilace dhe karburant per makinat, qe i vodhen dhe i grine, qe nuk ngulen nje gozhde te vetme, qe e perdoren shendetesine si kusur per te kenaqur aleatet politike, ata qe nuk merrnin infermier apo sanitare ne pune pa ?u kollitur? sic e pershkruante zhargoni i tyre ?profesional?, jane sot sharresit me te thekur.

Une njoh mjeket e ketushem dhe e shoh qe shumica absolute e tyre punojne me vetemohim, me kuptimin me te plote qe ka kjo fjale. Shoh shume te tjere qe e bejne naten dite, me kuptimin me te plote qe ka kjo shprehje.

Eshte nder te punosh dhe jetosh me ta dhe mes tyre./ CNA.al

Mjeku e lë në shtëpi me dhimbje/ Qytetari ndërron jetë pas disa orësh