web counter
LEXO PA REKLAMA!

SHKARKO APP

App Store
Google Play

Zef Brozi “kryqëzon” qeverinë/ Të anulohet koncesioni i Rinasit

10 Prill 2019, 08:34, Aktualitet CNA

Grabitja e 10 milion eurove në aeroportin e Rinasit, ka sjellë reagime të shumta, mes të cilëve edhe ish-kryetari i Gjykatës së Kasacionit, sot Gjykata e Lartë, Zef Brozi.

Zef Brozi ka deklaruar se ngjarja e djeshme është një këmbanë alarmi për pasigurinë dramatike të aeroportit, ndërsa bën përgjegjëse qeverinë dhe gjithë institucionet shtetërore.

Brozi thekson se është momenti që të anulohet koncesioni i aeroportit.

?Grabitja e djeshme në aeroportin e Rinasit është një këmbanë alarmi për pasigurinë dramatike në të vetmin aeroport ndërkombëtar të Shqipërisë.

Qeveria dhe gjithë institucionet shtetërore janë përgjegjëse për këtë situatë dhe duhet të marrin menjëherë masat e nevojshme.

Shteti ka dhënë koncesionin e aeroportit dhe ka licensuar kompaninë e sigurimit dhe policinë private.?.

Më tej, ai bën edhe disa pyetje që ?kryqëzojnë? qeverinë, ndërsa thekson se ?A ka pasur korrupsion në këto përzgjedhje?

A vazhdon ky koncesion të dëmtojë rëndë xhepat e qytetarëve dhe sigurinë kombëtare??.

Sipas tij, është momenti që të anullohet ky koncesion dhe aeroporti të administrohet nga entitete shtetërore për rëndësinë kombëtare që ka.

Gjithashtu ai thotë se ?Prokuroria duhet të hetojë pa asnjë kompromis këtë krim me pasoja të shumëanshme për Shqipërinë si dhe korrupsion në aeroport dhe kudo tjetër.?/CNA.al





Lajmet e fundit nga