E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Sherri tek Krimet e Rënda/ Prela pranon se sabotoi hetimet?

5 Prill 2019, 10:32, Aktualitet CNA

Drejtuesja e komanduar e Prokurorisë për Krime të Rënda është ankuar tek Arta Marku për zvarritje të hetimeve.

Duke lënë të kuptohet se e ka situatën jashtë kontrollit. Gjithsesi një gjë e tillë dihej, madje u konfirmua publikisht me sherrin për Shullazin.

Ajo nuk e ka përmendur fare në raportin vjetor skandalin e mirë- inskenuar Shullazi dhe internimin e tre prokurorëve, por nga ana tjetër thotë se largimi i tyre, por edhe të tjerëve ka ndikuar në uljen e shpejtësisë në hetime.

Me pak fjalë, Prela ndonëse jo drejtëpërdrejt ka pranuar se ajo dhe Marku kanë sabotuar Prokurorinë për Krime të Rënda, duke internuar prokurorët.

“Në uljen e shpejtësisë në hetime pranë kësaj prokurorie ndidkim ka patur dhe fakti që që nga muaji qershor 2018, me largimin e prokurorit H.L, dhe me pas në vijimësi dhe me largimin e katër prokurorëve të tjerë duke u caktuar në detyra pranë Prokurorive të Rretheve Gjyqësore. Prokuroria e krimeve të rënda ka ushtruar veprimtarinë e saj me 5 (pesë ) prokurorë më pak në organikë. Megjithëse e pajustifikuar konstatojmë se tek prokurorë dhe oficerë të caktuar janë evidentuar luhajtje të angazhimit dhe vullnetit në punë si rezultat e ndryshime kushtetuese dhe ligjeve paketë e reformës në drejtësi, ku parashikohet dhe ndryshimi i funksionimit të Prokurorisë Për Krime të Rënda”, ka shkruar Prela.

Në raportin vjetor të vitit 2018, Prela thotë se vijon të ekzistojë e njëjta problematikë në zvarritjen e hetimeve.

“Megjithëse në çdo raport analizë, një nga përparësitë është dhe përfundimi i hetimeve në një kohë sa më të shpejtë dhe brenda afateve proceduriale të çështjeve të mbartura, vijon të ekzistojë e njëjta problematike me zvarritjen e hetimeve”, ka shkruar Prela në raport.

Për ta zbutur situatën dhe si për të treguar se nuk e ka humbur totalisht kontrollin tek Krimet e Rënda, ajo ka dhënë dhe arsyetime.

Dihet që nën kontroll Prela, ka prokurorët “lepuj”, që i servilosen asaj dhe Prokurores së Përgjithshme të përkohshme Arta Marku.

“Disa nga arsyet e zgjatjes së hetimeve janë objektive, që vijnë për shkak të vonesës në ekzekutimin e letër-porosive, analiza dhe ekspertime të ndryshme kompjuterike, tabulate telefonike, aparate telefonike, transkriptime të përgjimeve, hetimeve komplekse kur kemi të bëjmë me hetimin e grupeve të strukturuara kriminale me shumë persona në hetim ose të përfshirë në aktivitet dhe që kërkohet dokumentimi i autorësisë së tyre”, është arsyetuar Prela.

Por, sipas saj, sërish vijon të ngelet shqetësim mungesa e një vëmendje, kontrolli kronologjik të detyrave dhe shpesh neglizhencë e prokurorëve si dhe një punë jo efiçente e oficerëve të policisë gjyqësore të seksioneve dhe të shërbimeve të policisë në strukturat e policisë së shtetit.

“Shpejtësia në përfundimin e hetimeve nuk ka qënë një tregues i mirë, referuar ngarkesës dhe rezultatit të çështjeve të përfunduara dhe hetuara nga secili prokuror dhe oficer i policisë gjyqësore i seksioneve në prokurori dhe i shërbimeve të policisë gjyqësore”, shkruan më tej Prela në raportin vjetor”, nënvizon Prela./CNA.al