E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Veliaj, “qeni” që përdor Rama për sulm ndaj socialistëve

5 Prill 2019, 09:55, Aktualitet CNA

Prej disa kohësh është përfolur shumë se kryebashkiaku i Tiranës, Erion Veliaj do të jetë trashëgimtari i Edi Ramës, në krye të Partisë Socialiste.

Një fakt që duket mjaft i vështirë dhe për më tepër me luftën brenda llojit në PS, Erion Veliaj u konfigurua si një trashëgimtar i mundshëm në momentin që u zgjodh në krye të Bashkisë së Tiranës, kur vetë ai dhe një strukturë afër Ramës sulmuan egërsisht ish-ministrin e Brendshëm, Saimir Tahirin. Por edhe figura të tjera brenda Partisë Socialiste, të cilat ishin kundërshtarë të Veliajt.

Në fakt, Edi Rama ndoshta e ka parë duke ?fërkuar barkun?, luftën Veliaj-Tahiri, dhe qesh me çdo kënd, ndoshta dhe me Ditmir Bushatin, kur del dhe flet si lider i PS-së, edhe me Ben Blushin që dilte e fliste dikur dhe çdo person tjetër që pretendon të dalë në krye të PS-së, sepse vështirë që ta kenë kuptuar.

Edi Rama nuk do të largohet. Erion Veliaj është thjeshtë ?qeni? që kafshon për Edi Ramën për t?i cuar socialistët drejt tij.

Pra, skema e kryeministrit është shumë e thjeshtë. Përdor Erion Veliajn si ?gogol?. Ky do të jetë trashëgimtari. E lëshon përpara që ai të punojë në PS, të shpallet si kandidat dhe njerëzit të dalin të përplasen.

Shumica mund ta mbështesin për shkak të pushtetit dhe servilizmit, një pjesë tjetër t?i qëndrojnë kundër dhe atëherë të gjithë mbështetjen e merr Edi Rama. Sepse mjafton veprimi i tij, për të thënë ?unë jam këtu, më mbani mua në pushtet që unë të ngelem në krye të socialistëve, në të kundërt mund të vijë ky Erion Veliaj?.

Pra, Rama i tremb socialistët duke përdorur Veliajn, për ti mbajtur pas vetes. Që të bashkohen për të mbajtur Ramën në pushtet.

Ky është një skenar shumë i lehtë dhe shumë i thjeshtë politik i Edi Ramës dhe shumë njerëz sillen dhe përpiqen të duken sikur nuk e kuptojnë. Në fakt elita politike e kupton këtë veprim të kryeministrit, i cili po e përdor kryebashkiakun e Tiranës, për të forcuar pushtetin e tij dhe pozitat e veta që askush të mos e lëshojë, për të gjithë të mblidhen për ta mbajtur në pushtet.

Që askush të mos e braktisë, sepse në të kundërt mund të vijë Veliaj dhe t?i dëbojë të gjithë.

Këtë e di Ditmir Bushati më mirë se kushdo tjetër. Që rruga brenda PS-së ngelet Edi Rama sepse në të kundërt vjen Erion Veliaj.

Prandaj dhe ai e ndërsen Veliajn ndaj tij, apo eksponentëve të tjerë socialistë. Prandaj, Rama përtej Veliajt, del e ndërsen edhe Baton Haxhiun apo edhe hijenat e tjera që ka rreth e rrotull për të kafshuar apo shqyer prenë. Vetëm dhe vetëm që të garantojë pushtetin e tij.

Nuk duket se Edi Rama hyn tek ata politikanë që jep dorëheqjen e dorëzon tek dikush, largohet me qetësi e me marrëveshje. Është shumë e vështirë kjo për t?u bërë nga Edi Rama, thuajse e pamundur. Kushdo që shikon ëndrra të tilla e ka shumë gabim.

Rama është njeriu që Partinë Socialiste e bleu apo e mbajti me luftë dhe me beteja. Ka ardhur në pushtet me një betejë mjaft të ashpër. U detyrua të ?puthte? dorën e Ilir Metës, për të qëndruar katër vite në pushtet.

Më pas siguroi pushtetin vetë dhe sot rri në pushtet pa pasur nevojë për Ilir Metën. Por, ka nevojë për Erion Veliaj, që ta përdorë si zagar për ta ndërsyer kundër socialistëve, për t?ju thënë se nëse iki unë, vjen ky. Dhe po erdhi ky, ju ikni që të gjithë.

Atëherë, zgjidhja për socialistët është një dhe vetëm një. Të luftojnë dhe të përpiqen të qëndrojnë sa më afër Edi Ramës, që ky i fundit të mos bjerë nga pushteti.

Duket se skema e Ramës me Veliajn është përtej trashëgimisë së PS-së dhe më shumë përdorimi i tij si një zgar politik, për të mbajtur në pushtet kryeministrin.

Janë dy raste, një i kaluar dhe një i tashëm në lidhje me rivalitetin me Erion Veliajn, për të marrë drejtimin e PS-së. U zhvillua në fillim beteja Tahiri-Veliaj. Edi Rama e shikonte dhe qeshte dhe betejën e fitoi Veliaj. Por, loja ende nuk ka mbaruar dhe Saimir Tahiri nuk është kaq i pafuqishëm sa duket, pra në PS, ekziston si problem.

E dyta është dalja e ish-ministrit të Jashtëm, Ditmir Bushatit, i cili duket se nuk po hap rrugë dhe po e mban veten si një kandidaturë rivale me Veliajn për kreun e PS-së. Por edhe në këtë rast fërkon barkun dhe thotë me vete, ?mendojnë se do ju lë pushtetin dhe karrigen time kaq shpejt dhe në tavolinë?.

Edi Rama sot është vetëm 55 vjeç dhe ata që shikojnë ëndrra se do ta mbyllë karrierën politike kaq shpejt dhe do t?i lërë vendin Veliajt, Ditmir Bushatit, Saimir Tahirit apo dikujt tjetër, e kanë shumë gabim.

Ramën mund ta heqë konsumi politik, Ramën mund ta heqë beteja e fortë e shqiptarëve, protestat, ndërkombëtarët, por vetë Rama nuk iken për t?ja lënë karrigen Veliajt, por e përdor atë për të mbajtur karrigen e tij si kryeministër./CNA.al

Veliaj, kundërshtar apo zagar i Ramës?!

Tahiri akuza Veliajt dhe Xhafajt?!

Shënim/ Ditmir Bushati si shpresë për socialistët kundër Rilindjes