web counter
LEXO PA REKLAMA!

SHKARKO APP

App Store
Google Play

Skandal/ Konsulli shqiptar i Nderit, fushatë për kandidatin maqedonas për President

4 Prill 2019, 18:28, Aktualitet CNA

Imer Selmani, konsulli i Nderit të Republikës së Shqipërisë, me seli në Manastir të Maqedonisë së Veriut, duke thyer ndalesën që përcakton statusi i ushtrimit të detyrës, është përfshirë në fushatën elektorale presidenciale, duke propoganduar kandidaturën e kandidatit maqedonas Stevo Pendarovski.

Denoncimi vjen nga zyra elektorale e Prof. Blerim Reka, kandidatit të pavarur  shqiptar për postin e presidentit të Maqedonisë së Veriut, rival i Pendarovskit, ku, nëpërmjet një komunikate, theksohet se: në Konventën e kandidatit Stevo Pendarovskit, Imer Selmani, me fjalimin e tij qendror, prezantoi dhe mbështeti kandidaturën e Pendarovskit, me çka u përcaktua politikisht, ndërkohë që ushtron funksion konsullor.

?Keqpërdorimi politik i pozitës Konsull Nderi i Republikës së Shqipërisë, për interesa personale, nuk i bën nder as Republikës së Shqipërisë, as Republikës së Maqedonisë së Veriut dhe as qytetarëve të këtij vendi?, – thuhet në reagimin e Shtabit Elektoral të prof. Blerim Reka.

Ku, po ashtu, theksohet se për këtë arsye, kandidati i pavarur, Blerim Reka, do të kërkojë takim me ambasadorin e Republikës së Shqipërisë në Maqedoni, Fatos Reka, kurse nga Ministria e Punëve të Jashtme të Republikës së Shqipërisë do të kërkojë shkarkimin e Imer Selmanit, nga pozita e Konsul nderi./CNA.al

Në foto: Kandidati i pavarur shqiptar për President të Maqedonisë, Prof. Blerim Reka.

 





Lajmet e fundit nga