Reforma më Drejtësi/ Ja çfarë pritet të ndodhë brenda 2019

2 Prill 2019, 19:40, Aktualitet CNA

Njëqind vendime të dhena nga Komisioni i Pavarur i Kualifikimit (KPK), 50 prej të cilave janë shkarkimi për 32 gjyqtarë dhe 18 prokurorë. Janë konfirmuar në detyrë 49 subjekte të drejtësisë, sikurse dhe një vendim neutral për kryeinspektoren e KLD-së, Marsida Xhaferrllari, e cila as nuk u shkarkua dhe as nuk u konfirmua në detyrë…

Nga ana tjetër, janë zbrazur nga personeli shërbyes gjykatat e vjetra të të gjithë vendit, përfshi Gjykatën Kushtetuese,që ka mbetur me vetëm një anëtar; Gjykatën e Lartë, që ka vetëm 3 anëtarë dhe këtë fat kanë shumica e gjykatave e prokurorive të qarqeve…

Ky është bilaci i një viti të ikur nga nisja e Reformës në Drejtësi, ku vettingu numërohet si i pari i këtij procesi që po vijon normalisht.

Por si do të vijoj dhe çfarë pritet të ndodhë në ditët vijuese?

Ndërkohë që vettingu do të përfshijë më shumë se 700 persona të tjerë të sistemit të drejtësisë së vjetër, ministrja e Drejtësisë, Etilda Gjonaj, nga studioja e emisionit “Mbrëmje në ABC”, ka dhenë përgjigjen e mëposhtëme:

?Brenda Qershorit 2019 zgjidhen anëtarët e Gjykatës Kushtetuese dhe të Inspektoriatit të lartë të Drejtësisë… Jemi në procesin e emërimeve kushtetuese, Këshilli i Emërimeve në Drejtësi ka ngritur gjithë strukturën e akteve të brendshme dhe rregullatore për ndërtimin e skemës sesi do vlerësohen anëtarët e Gjykatës Kushtetuese dhe kandidatët për Inspektoriatin e Lartë të Drejtësië, dhe me këtë proces do kemi të zgjedhur brenda qershorit 2019 anëtarët e Gjykatës Kushtetuese Inspektoriatit të Lartë të Drejtësisë për gjyqtarë dhe prokurorë?.

Por ato që do i japin impuls Reformës në Drejtësi, do të jenë SPAK dhe BKH.

?Ngritja e SPAK dhe BKH do i japin impuls Reformës në Drejtësi. Ne presim që kanditët që kanë aplikuar pranë KLP të kalojnë në proces-vetingu, presim gjithashtu vendimmarrjet e para dhe sapo numri minimal do të jetë gati atëherë SPAK do të jetë menjëherë i ngritur?,- tha ministrja Gjonaj, duke i bërë apel politikës të qëndrojë jashtë këtij procesi jetik për vendin./CNA.al