web counter
LEXO PA REKLAMA!

SHKARKO APP

App Store
Google Play

Flet “fajdexhiu”/ Djemtë e ish prefektit drogë dhe kumar, unë vetëm u kam blerë pronat

2 Prill 2019, 18:02, Aktualitet CNA

Prokuroria e Shkodrës ka nisur të tërhiqet nga akuzat e rënda  personat e arrestuar në kuadër të operacionit ?Maranaj?.

Këta persona dyshohen për dhënie fajdesh ndaj djemve dhe vetë ish prefektit të Shkodrës, Paulin Radovani.

Në seancën e fundit në gjykatën e Apelit në Shkodër prokurori i Apelit, Brahim Dragjoshi pranoi para gjykatës që të paktën për tre të dyshuar të lehtësohet masa e sigurisë ?arrest me burg? dhe pikërisht për shtetasit Naim Ahmeti, Adri Bala dhe Lulzim Sylja.

Njëri nga të arrestuarit, Edi Memçaj në dëshimnë e tij ka deklaruar se nuk është e vërtetë se i ka dhënë para me fajde djemve të ish prefektit. Memçaj tha se thjesht u ka blerë një tokë djemve të prefektit dhe motrës së tij.

?Jam munduar të shtoj bizneset sepse më ka lënë pasuri babai dhe i kam trashëguar dhe jo si Paulin Radovani që i çon djemtë te droga, kumari apo i përdor paratë për blerje votash. Sa borxhe ka ish prefekti nuk e nxë as burgu i Shën Kollit dhe s?do ketë burg që e nxë. Unë nuk e di me kë jam në grup se nga të ndaluarit veç dy tre kam një njohje dhe asgjë më shumë. Paratë i kam kaluar me banka dhe jo si Paulini që i ka fshehur. E dini ju se ka futur një djalë jetim të marrë në emrin e tij 250 mijë euro kredi në bankë. Janë fotot e djemve të ish prefektit duke marrë drogë, duke luajtur kumar, çfarë faji kam unë se i kam blerë pronat?,- deklaroi i arrestuari. /CNA.al

 





Lajmet e fundit nga