web counter
LEXO PA REKLAMA!

SHKARKO APP

App Store
Google Play

E fundit!

x

Deputeti tallet me Bashën/ Është i varfër nga llogaritjet matematike

2 Prill 2019, 10:20, Aktualitet CNA

Pas akuzave të Lulzim Bashës, i cili tha se Sterkaj është përfshirë në dosjen 184 në prokurori, që ka lidhje me zgjedhjet e Dibrës, ka reaguar deputeti socialist.

Sterkaj ka mohuar të ketë ka gisht në këtë histori dhe është i gatshëm të dalë para drejtësisë, nëse do të thërritet.

?Në zgjedhje kam punuar në një zonë në Dibër, të Selishtës, në një komunë ku Partia Socialiste nuk kishte fituar kurrë, por për çudi ne fituam atje, por kjo nuk ka lidhje me blerjen e votës, apo financim të paligjshëm.

Nuk e di çfarë është kjo dosje, unë gjithmonë, edhe në sport kam qenë gjithë jetën kampion dhe e kam bërë me arbitër.

Në polici, nga babai i tij politik, ish-Presidenti Sali Berisha, kam medalje ?Shqiponjën e Artë? për kontribut në sigurimin e rendit dhe qetësisë.

Edhe dekoratë nga ish-presidenti Bujar Nishani. Nuk e di të kem ndonjë dosje, por nëse më kërkon drejtësia i vihem në dispozicion në moment?, tha Sterkaj, gjatë një prononcimi për A2CNN.

Më tej Sterkaj ironizoi takimin e Bashës në Malësinë e Madhe, duke thënë se gjysmën e personave të pranishëm i kishte ftuar ai që të dilnin në shesh.

?Më vjen shumë keq për liderin e Partisë Demokratike, është i varfër edhe nga llogaritjet matematike, por edhe në njohjen e përfaqësimit të deputetëve sipas zonave.

Unë jam deputet i Malësisë së Madhe dhe më vjen keq për të që nuk i ishin mbledhur më shumë se 150 vetë në Koplik, ku prej tyre 75 ia çova unë për ta mirëpritur.?– u shpreh Sterkaj.





Lajmet e fundit nga