E fundit!

08:07 Aktualitet

Rama: Ja kur e pranoj dorëheqjen

Kryeministri Edi Rama e ka nisur mëngjesin e kësaj të prem...

Luli po feston për humbjen e Erdogan dhe fitoren e tij

2 Prill 2019, 10:05, Aktualitet CNA

Mbështetësit e kryetarit të Republikës së re, Lulzim Bashës dhe këshilltarët e tij kanë filluar të reagojnë me qëndrime në rrjetet sociale, në lidhje me zgjedhjet në Turqi, festë e madhe.

Shumica e mediave pro Bashës, zgjedhjet lokale në Turqi i kanë shpallur si një nisje e shembjes dhe përmbysjes së Erdoganit, presidentit autokrat në Turqi dhe këtë e atashojnë me kryeministrin Rama.

Kështu ka thënë sot edhe Neritan Sejamini, këshilltari mizerabël i Bashës, i cili deklaron se këtë rrugë duhet të ndjekë edhe PD-ja. Kështu e shohin edhe mediat pranë Lulzimit.

Në fakt ajo që ka ndodhur në Turqi, nuk është sikurse thuhet në këto media. Është e vërtetë se në në qytetet e mëdha ka humbur bashkitë Erdogan, në Stamboll me një rezultat shumë të ngushtë, por në total Sulltani i ri i Turqisë ka mbi 50% të votave dhe opozita është 35-37%.

Pra, përtej gënjeshtrës që po stiset në media, ka dy të vërteta të mëdha.

E para, rezultati përfundimtar i Erdoganit është mbi 50% në rang kombëtar dhe e dyta që është më e rëndësishme akoma, për ata që flasin se cila është rruga që duhet të ndjekë opozita në Shqipëri, në Turqi opozita nuk i ka djegur mandatet e deputetëve dhe ka hyrë në zgjehdjet lokale dhe ka fituar qëndrat kryesore administrative.

Në Turqi, opozita ka luftuar përballë një lideri autokrat, duke shkuar në 35-37% në rang kombëtar dhe duke marrë disa nga bashkitë kryesore, që kanë qënë bastione të Rexhep Taip Erdoganit.

Dhe këtë e ka bërë me një betejë të fortë politike, duke qëndruar përballë tij, jo duke djegur mandatet.

Megjithëse në Turqi burgosen gazetarët, ka censurë, liria e shtypit nuk është ajo e duhura dhe ka shumë e shumë problematika të tjera, ndryshe nga Shqipëria, opozita atje nuk doli nga sistemi. Nuk hodhi veten në kosh të plehrave.

Opozita në Turqi zhvilloi një betejë me Erdoganin, pikërisht në zgjedhjet lokale. Nxori kandidatët e duhur dhe fitoi edhe me besnikët më të ngushtë të Erdoganit, edhe në qytetet më të mëdha. Pavarësisht se nuk ka fituar në rang kombëtar, ka filluar të ngjallë shpresën se Erdogani mund të rrëzohet, pas 16 viteve në pushtet.

Ndoshta në Shqipëri është krejt e kundërta. Opozita ka marrë rrugët dhe nuk duket të zhvillojë një betejë përballë Edi Ramës, por ka zgjedhur të bëjë protesta. Opozita në Shqipëri ka vendosur t?i largohet politikës reale dhe në fund t?i shmanget asaj që do një parti politike e vërtetë, votës dhe zgjedhjeve.

Opozita e Erdoganit po lufton në Turqi me përballje të vërteta. Me përballje elektorale dhe jo me llafe e broçkulla, ashtu siç bën Luli dhe këshilltarët e tij mizerabël./CNA.al

Këshilltari mizerabël tregon si mund të fitojë PD