web counter
LEXO PA REKLAMA!

SHKARKO APP

App Store
Google Play

E fundit!

x

Komiteti shqiptar i Helsinkit-KQZ-së/ Partitë të ndalin nisjen parakohe të fushatës !

1 Prill 2019, 17:42, Aktualitet CNA

Komiteti Shqiptar i Helsinkit(KSHH), ka kërkuar ndërhyrjen e KQZ për të mos lejuar fushatat të parakohshme nga partitë politike, fushata të fshehura nën etiketime të rreme.

KSHH i referohet aktiviteteve të Partisë Socialiste, ndërsa drejtorja ekzekutiva, Erida Skëndaj, në një intervistë për Televizionin “ORA” thotë se ligji zgjedhor ka mangësi dhe nuk i parashikon situata të tilla.

“Në Shqipëri ndodhin situata të tilla nga që është e vështirë ti ndalësh, pasi ligji nuk i paraprinë, nuk i parashikon në detaje zhvillimet”,- tha Erida Skëndaj.

Sipas të cilës fushatat e parakohshme rrisnin rrezikun e përdorimit të administratës dhe fondeve publike, ndaj e bëjnë edhe më të domosdoshme ndaljen.

“Për këtë çështje duhet të ketë edhe një vullnet politik, për t?i dhënë fund administratës publike dhe burimeve të tjera publike që shteti disponon me qëllim që ato të shfrytëzohen sa i takon fushatës së parakohshme zgjedhore”,-  ka argumentuar Erida Skëndaj.

Reagimi i KSHH-së ka ardhur ndërsa Partia Socialiste ka ndërmarrë një tur takimesh në gjithë vendin të kamufluara nën sloganin: ?Bashkia që duam?, ku në shumicën e rasteve janë prezantuar edhe kandidatët për zgjedhjet vendore të 30 Qershorit.

Në anën tjetër Partia Demokratike, edhe pse ka artikuluar se nuk do të pranojë të hyjë në zgjedhje, me kryeministër Edi Rama, ka intensifikuar takimet me strukturat e partisë dhe qytetarët në gjithë vendin./ CNA.al





Lajmet e fundit nga