web counter
LEXO PA REKLAMA!

SHKARKO APP

App Store
Google Play

E fundit!

x

Shkarkohet Sekretarja e Përgjithshme e Ministrisë së Financave

29 Mars 2019, 13:46, Aktualitet CNA

Ministrja e Financave, Anila Denaj ka shkarkuar nga detyra Sekretaren e Përgjithshme të këtij institucioni, Geraldina Prodani.

Geraldina Prodani, ish-drejtoreshë në Drejtorinë e Buxhetit gjatë qeverisjes së PD-së, e cila ishte në atë institucion prej vitit 2005, është shkarkuar dje nga detyra.

Geraldina Prodani u emërua Sekretare e Përgjithshme me ardhjen e socialistëve në pushtet, në kohën që Shkëlqim Cani u bë ministër i Financave.

Lajmi është mbajtur konfident për mediat dhe ende nuk është bërë e ditur arsyeja e shkarkimit.

Por, mesa duket Ministrja e re e Financave, Anila Denaj ka filluar furtunën.

CV e Geraldina Prodanit:

Geraldina Prodani mban titullin Master në Studimet Ekonomike Europiane nga Universiteti i Tiranës dhe ai i Bambergut, si dhe ka marrë gradën Master në Politikat Ekonomike nga Ëilliams College, MA, SHBA, një nga kolegjet më të mira amerikane për Artet Liberale i radhitur në 15 vitet e fundit.

Ndërkohë po punon për marrjen e gradës së Doktoraturës në ?Politika Ekonomike?.Që prej vitit 2012 mban pozicionin e Kryetarit të Komitetit Ekzekutiv të Buxhetimit në netëorkun e mësimit të praktikës të menaxhimit të shpenzimeve publike (PEMPAL), netëork i përbërë nga drejtorë të buxhetit të 22 vendeve të Europes Lindore dhe Qendrore dhe Azisë Qendrore koordinuar nga Banka Botërore, Qeveria Zvicerane, OECD, GIZ dhe Federata Ruse.

Nga vitet 2005 ? 2013 ka ushtruar detyrën e Drejtorit të Menaxhimit dhe Monitorimit të Buxhetit/ Drejtoria e Përgjithshme e Buxhetit në Ministrinë e Financave.

Ka punuar si Asistent Pedagoge në niveli bachelor pranë Fakultetit Ekonomik, të Universitetit të Tiranës (1998-2009), ndërkohë është pedagoge në nivelin master pranë Universitetit Europian të Tiranës.

Pas 15 vitesh eksperiencë në Ministrinë e Financave, znj.Prodani së fundmi është emëruar Sekretare e Përgjithshme, tetor 2013./ CNA.al





Lajmet e fundit nga