LSI e Kryemadhit, si Partizani i Bert Xhanit

25 Mars 2019, 13:27, Aktualitet CNA

Sporti ngjason shumë me politikën, jo vetëm për nga ultrasit që në politikë quhen militantë, apo tifozët që quhen votues, por edhe nga veprimet dhe vetë loja.

Në sport shpesh ka penallti të paqenë, arbitra të blerë, ndeshje të trukura, njësoj si në nahijen tone, ku shiten blihen zgjedhjet dhe manipulohen rezultatet.

Por ajo që ngjan më shumë më një ekip futbolli është Lëvizja Socialistë për Integrim, sidomos nga situata që po kalon sot. Monika Kryemadhi vendosi djegien e mandateve menjëherë pas Lulzim Bashës, por ajo që po ndodh është fakti se LSI po plotëson 100% të gjithë grupin parlamentar me 19 deputetë, ku përfshihen Lefter Koka që nuk dha dorëheqje dhe Robert Bitri, i larguar pas përplasjeve me Kryemadhin.

LSI-ja sot është fiks si Partizani përpara gati 15 vitesh, ndoshta dhe më keq, ndjesë tifozëve dhe në veçanti Demave të Kuq, që një perudhë të errët të skuadrës, po e përdorim si krahasim politik.

Atëherë ekipi kishte president Abert Xhanin dhe luftoi fort, mundi të fitonte vetëm një kupw republike dhe asnjë kampionat, një e humbi në fund pasi e mundi Dinamo 2 me 1.

Po, ku ngjason Partizani i atëhershëm me LSI-në sot. Kur ekipi filloi të kishte problem të forta financiare, Presidenca filloi të shiste ndeshjet, për këtë pati edhe hetime e dënime nga UEFA. Rezultate të trukuara për të siguruar financimet.

Fiks si LSI që në 2009, pasi Ilir Meta ishte zhytur në borxhe, për më tepër kishte marrë dhe kredi për fushatën, shkoi me vrap tek PD dhe Sali Berisha, duke braktisur të majtën.

Më pas bëri pazar me Edi Ramën dhe pas ngjalave në Gjirin e Lalzit, Iliri e kaloi sërish partinë në koalicion me PS. Dy pazare në katër vite. Në 2017, ai zgjidhet president, dhe partinë ia le gruas e cila e kalon në opozitë me Lulzim Bashën.

Po çfarë ndodhte me Partizanin, ndeshjet trukoheshin me urdhër nga lart për të siguruar para predisenca, kjo u bë rrugë njëherë dy herë, shumë herë. Futbollistët e kuptuan këtë gjë dhe filluan vetë pastaj të shisnin ndjeshjet dhe situata doli totalisht nga kontrrolli. Sa ti merrte paratë Presidenca, i merrnin vetë ata.

Në vitin 2006, Partizani luante në Maltë, në stadium kam qenë me një tifoz të çmendur të kuq, ish- deputetin socialist Andis Harasanin. Pjesën e parë ndeshja u mbyll 0-0. Futbollistët kishin luftuar fort, pasi kishin luajtur dhe vetë mesa duket.

Në pjesën e dytë lume me gola, ?udhëheqja? kishte luajtur, bëhen 3.

Kur i kërkoi dikush Sulejman Memës të shënonte ekipi tre gola me çdo kusht pjesën e dytë, ai tha ?këta nuk bëjnë tre në stervitje do bëjnë, një në pjesë?.

Ky është një nga rastet e shumta të trukimeve në sport dhe pazareve ku luan Presidenca, pastaj dhe futbollistët që rrisnin të ardhurat nga rrogat e tyre të munguara.

Njësoj si deputetët e LSI sot. Ilir Meta pazare, Monika pazare, kandidatët mund t?i bëjnë vetë. Se ju kanë munguar të ardhurat. LSI si parti e tillë u themelua dhe ka mbijetuar. Ata kanë shpenzuar kanë derdhur djersë, lekët i ka marrë Iliri me Monën, Haxhinasto me Vasilin, etj etj. E kanë më të lehtë të hyjnë në parlament dhe s?kanë pse pyesin ?presidentin? e ekipit, i cili boll e ka shitur partinë sa andej këndej. Ata mund t?i trukojnë vetë rezultatet parlamentare.

Megjithëse tifozëve të Partizanit të sotëm i urojmë suksese, shpresojmë që mos i kthehen më ato kohë, mjafton të shikojnë LSI-në sot për të kuptuar sa ka ndryshuar ekipi i tyre./ Elvi Fundo – CNA.al