E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Ish-sigurimsi i KLP në hetim/ Prokuroria "çon" Sheshin në Ministrinë e Brendshme

25 Mars 2019, 10:46, Aktualitet CNA

Në fund të muajit Janar, anëtari i KLP-së Bujar Sheshi u bë kryefjalë në rrethin e drejtësisë, të politikës dhe në media.

Denoncimi nga Partia Demokratike se Sheshi ka qenë bashkëpunëtor i ish-sigurimit të shtetit u konfirmua më pas nga Autoriteti i Dosjeve.

Rasti më tej, kaloi për hetim në Prokurorinë e Tiranës, por ndërkohë Bujar Sheshi vijon të jetë pjesë e KLP dhe të jetë pjesë e vendimmarrjeve të këtij institucioni.

Kreu i KLP-së, Gent Ibrahimi, më herët ka thënë se presin të shterojnë të gjitha procedurat për Sheshin dhe më pas të vendosin.

Nëse hetimet konfirmojnë se Sheshi ka qenë bashkëpunëtor i ish-sigurimit të Shtetit, çfarë do të ndodhë më vendimet në të cilat ai votuar pro?

Kunatit të ish-ministres, Gent Ibrahimi, nuk i intereson ky fakt, derisa, sipas të gjitha dyshimeve, pushteti i thotë që është gjithçka në rregull. Ndonëse autoriteti i KLP-së, vihet në dyshim, Bujar Sheshi nuk lëviz nga institucioni.

Do të ishte më e denjë edhe për të, që të qëndronte larg KLP, derisa të përfundonin hetimet, sesa të vijojë detyrën me një njollë të rëndë mbi supe.

Ndërkaq, mësohet se Prokuroria i Tiranës, në kuadër të verifikimit të pastërtisë së figurës e ka dërguar për ekspertim grafik të gjithë dosjen që ndodhet në arkivën e sigurimit të shtetit.

Dosja tashmë ndodhet në duar të ekspertëve të laboratorit të Ministrisë së Brendshme.

Arta Marku përplaset me Autoritetin e Dosjeve

Bujar Sheshi, në dhjetor të vitit 2018 është votuar si anëtar i KLP-së pasi e kishte kaluar Vettingun.

Dokumenti për pastërtinë e figurës është depozituar në datën 26 tetor 2018 dhe është protokolluar nga Autoriteti i Dosjeve më 31 tetor.

Mirëpo, kur doli në dritë skandali se Sheshi ka qenë bashkëpunëtor i ish-Sigurimit të Shtetit, Prokurorja e Përgjithsme e përkohshme Arta Marku dhe Autoriteti i Dosjeve shpejtuan për të mbrojtur veten.

Sipas Autoritetit të Dosjeve i është dhënë përparësi shqyrtimit të kërkesës së ardhur nga Prokuroria e Përgjithshme e cila shoqëronte shkresën me vetëdeklarimin e prokurorit Sheshi.

Nga ana tjetër Marku me zgjedhjen e Sheshit në KLP, është justifikuar se ka nxjerrë nga ngërçi institucionin, për shkak se në atë kohë, interesi për aplikim nga prokurorët ishte i ulët për të mos thënë zero.

Kujtojmë se Autoriteti i Dosjeve ka marrë 3 muaj kohë për t?u përgjigjur Prokurorisë së Përgjithshme në lidhje me pastërtinë e figurës për prokurorin Bujar Sheshi.

Autoriteti i Dosjeve është justifikuar se nuk ka detyrime për përgjigje në ndonjë afat të caktuar.

Aktualisht situata është e tillë. Çështja ndodhet në Prokurori, Bujar Sheshi ndodhet në KLP, Arta Marku po bën planet për postin e Prokurores së Përgjithshme, ndërsa Autoriteti i Dosjeve vijon t’u qëndrojë deklaratave të mëparshme./CNA.al