E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Tabaku numëron “bëmat “ e qeverisë/ Zbulohet “armiku” i radhës

23 Mars 2019, 09:04, Aktualitet CNA

Ish-deputetja e Partisë Demokratike dhe ish-nënkryetarja e Komisionit të Ekonomisë, Jorida Tabaku ka reaguar në lidhje me raportin e OKB-së, ku Shqipëria renditet ndër 15 vendet më të korruptuara në botë.

Në një postim në rrjetet sociale, Tabaku shkruan se raporti i OKB-së, është armiku i radhës i qeverisë.

?Në lëmin e armiqve të jashtëm që i bëjnë dëm qeverisë, raporti i OKB është i radhës.

Sipas këtij raporti, Shqipëria renditet në 15 vendet më të korruptuara të botës, duke konfirmuar kësisoj se çdo qelizë e shtetit shqiptar është e mbërthyer nga ethet e korrupsionit. Ndërkohë që raporte të tilla, vazhdojnë të konfirmojnë pohimet e DASH apo Transparency International, qeveria harxhon paratë publike për spektaklin e radhës në shesh.?-shkruan Tabaku.

Më tej, ish-deputetja Tabaku thekson se ?për t?i hedhur hi, syve të shqiptarëve mbi korrupsionin me ligje speciale, me tendera dhe koncesione, me lejet e ndërtimit, hartimin e VKM-ve.

Për të manipuluar të vërtetën mbi korrupsionin në policinë e shtetit, arsimin publik, shëndetësinë, financat dhe kështu me radhë. Korrupsion që sot po pengon të rinjtë të punësohen duke i detyruar të largohen. Korrupsion që sot falimenton 50 biznese në ditë, po përqendron pasurinë në një grusht njerëzish.?.

Gjithashtu ajo numëron disa nga ?bëmat? e qeverisë, që sipas saj po rrënojnë ekonominë.

?Sot 7 nga 7 projektet e programit 1 mld euro jepen me ofertë të pa kërkuar, pra pa garë!

Sot 41% e tenderave i jepen fituesve pa asnjë garë!

Sot 11 oligarkët e denoncuar nga PD, nëpërmjet 19 shoqërive, kanë përfituar në 2018, 242 tendera.

Sot, nga buxheti i shtetit në xhepin e të paktën 4 deputetëve të PS kanë shkuar 48 tendera vetëm për vitin 2018.?.

Sipas Tabakut, kryefjala e çdo raporti apo pyetësori është korrupsioni.

?Ai po pengon procesin e integrimit, po pengon investitorët e huaj, po pengon biznesin vendas të zhvillohet, po pengon Shqipërinë të ecë përpara! Ky sistem i ideuar nga arkitekti Rama, ia ka nxirë faqen Shqipërisë dhe po ua merr shpirtin shqiptarëve. Prandaj meriton të rrëzohet një herë e më parë!?-përfundon postimin e saj Jorida Tabaku.