web counter
LEXO PA REKLAMA!

SHKARKO APP

App Store
Google Play

E fundit!

x

Përfundon me marrëveshje konflikti tek “Petro Nini”/ Familjarëve u dhurohen dy shtëpi

22 Mars 2019, 21:58, Aktualitet CNA

Familjarëve të shtëpive tek ?Petro Nini? iu janë dhuruar nga një shtëpi, pas konfliktit për dorëzimin e banesave.

Lajmi bëhet i ditur nga ?Ora News? ku përmes një deklarate për mediat avokatët pohojnë se pronari i truallit dhe familjarët kanë arritur të bëjnë një marrëveshje.

Sipas informacioneve në marrëveshjen e re, familjarëve iu dhuruan dy shtëpia 150 dhe 160 metër katror, tek Liqeni i Thatë dhe Kopështi Botanik.

Mësohet se hyrjet janë dhuruar nga pronari i truallit Aleksandër Gavoçi.

Sipas avokatëve dhe përfaqësuesit të familjeve Luan Llapaj, konfliktet kanë ndodhur si pasojë e politikave të shtetit për pronat, shtëpitë do të lirohen në momentin që banesat e reja do të përfundojnë dhe do të behën pronarë të tyre.

Llapaj: Fajin e ka shteti që tokën dhe oborrin o të ma jepte mua, o atij. Nuk kishte fare konflikt.

Avokati: Problemi ishte shteti. Falë ndihmës së mediat por edhe dashamirësisë së zotit Gavoçi u arrit të mundësojmë këtë marrëveshje.

Gjithashtu në një prononcim për mediat dhe përfaqësuesit e Aleksandër Gavoçit u shprehën se kanë arritur marrëveshjen me familjarët, ndërsa nga Gavoçi i është ofruar dhe herë të tjera zgjidhje.

Avokati: Sot është arritur kjo marrëveshje, shpresoj që palët të mos tërhiqen.

Përplasja mes familjarëve, përmbaruesve dhe policisë u regjistrua me 11 mars, ndërsa opinioni publik u njoh me pamje të pazakonta.

Për këtë përplasje dhe sjellje të policisë, u shkarkua dhe Drejtori i Policisë së Tiranës, ndonëse më herët kishte kërkuar të transferohej në një detyrë tjetër.

 





Lajmet e fundit nga