web counter
LEXO PA REKLAMA!

SHKARKO APP

App Store
Google Play

E fundit!

x

 Është sëmurë apo me pushime?/ Zhdukja e Kryeministrit, mister

21 Mars 2019, 20:41, Aktualitet CNA

Mungesa e Kryeministrit Edi Rama ka përfshirë të ftuarit e emisionit “360 Gradë”, ku  temë diskutimi është: ” Pa Parlament dhe pa President”.

Kryeministri Edi Rama ka disa ditë që nuk po bëhet i gjallë, gjë jo e zakontë kjo për raste të tilla largimi jashtë vendit dhe, për më tepër heshtja e mjeteve të informimit të afërta me të e ka bërë misterioz këtë mosprezencë.

Sepse ku ndodhet? Thonë se ndodhet në Gjermani, se është në Francë, por këto janë lajme mediatike të pakonfirmuara zyrtarisht, duke e lenë pezull “humbjen” disaditore të Kryeministrit. Është me pushime apo i shtruar vërtetë në spital në Gjermani, sikurse është përfolur?!

“Është i pashpjegueshëm fakti se përse nuk ka njoftime, se për cfarë dhe ku ka shkuar Kryeministri. Në Gjermani? Nëse do kishte takuar Merkelin do ishte shpërndarë një foto e këtij takimi. Fakti që ky ka disa ditë që nuk është në Shqipëri, nuk ka rëndësi ku dhe nëse ka shkuar për të bërë takime politike, ne do të ishim informuar mbi këto takime. Atëherë mund të hedhim dyshime se ka shkuar për pushime, në mos qoftë sëmurë. Nëse është sëmurë shërim të shpejtë”,- është shprehur kryeredaktori i Klan Plus, Mentor Kikia, i qenë prezent në “360 gradë”./CNA.al





Lajmet e fundit nga