web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e “Nardit të Bujtinës”/ Detajet-Autori është një profesionist

21 Mars 2019, 19:58, Aktualitet CNA

Detaje të reja janë zbuluar nga vrasja e Ferdinand Polisë, në pasditen e të mërkurës fshatin Grudë të Shkodrës.

Sipas informacioneve në momentin e atentatit Polia ka qenë i shoqëruar nga shoku i tij Xhovani Mirashi.

Policia ka marrë dëshminë e Mirashit në lidhje me ngjarjen dhe se si i ka shpëtuar atentatit, duke qenë se edhe ai ndodhej në vend të parë të makinës.

Sipas rrëfimit të Mirashit, sapo janë afruar tek kthesa e Grugës në Shkodër, në një motorçikletë TMAX ngjyrë gri drejtuesi me skafandët të zezë ka qëlluar në drejtim të tyre me 18 plumba të cilat eksekutuan Polinë.

Por, asnjë nga këto plumba nuk e kanë prekur shokun e Polisë, i cili ka ulur kokën sa ka dëgjuar plumbat, dhe saktësia e ekzekutimit i ka bërë hetuesit të mendojnë se kanë të bëjnë me një vrasës profesionit.

Mirashi kishte një servis dhe Polia e linte shpesh makinën tek ai për ta kontrolluar.

?Nuk kishte probleme, nuk di për ndonjë ngatërresë, apo që të kishte ndonjë konflikt?, -ka thënë në deklaratë shoku i tij.

Edhe sipas Policisë së Shkodrës, i riu nuk ka pasur konflikte duke e bërë më të vështirë punën e hetuesve.

Sipas informacioneve Polia ishte babai i një vajze, ndërkohë që bashkëshortja e tij ishte shtatzënë.

Autori ka qëlluar 20 herë, ku 18 plumba kanë prekur trupin e viktimës. /CNA.al

 

 





Lajmet e fundit nga