web counter
LEXO PA REKLAMA!

SHKARKO APP

App Store
Google Play

Kërcënimi për pranimin e mandatit/ Deputeti Karamelo rrëfen ngjarjen

19 Mars 2019, 18:06, Aktualitet CNA

Në një intervistë për ?Report Tv? deputeti Ligoraq Karamelo ka treguar të gjithë skenën e kërcënimit të tij.

Sipas Karamelos, tre persona i kanë prerë rrugën dhe e kanë quajtur tradhëtar.

Në prononcimin e tij për mediat, deputeti thotë se fatmirësisht u ndihmua nga qytetarët dhe policia i erdhi në ndihmë menjëherë.

?Sot pasdite rreth orës 15:00 para Katedrales jam kërcënuar nga tre persona që nuk i njihja, por tentuan me ofendime duke më kërcënuan me jetë për tradhtinë që kam bërë dhe llogarinë që do të jap. Më kërcënuan edhe për identitetin etnik dhe organizatën që përfaqësoj dhe që do të jap llogari se po tradhtoj vendin me marrjen e mandatit. Nuk e zgjata bisedën por ata më ndoqën, pata një konfrontim me ata. U thashë nuk u njoh cfarë keni? Më thanë të njohim ne. Tentova të marr policinë, shanë dhe policinë dhe thanë se nuk duan t’ia dinë. Më prekën me dorë, por u mblodhën mjaft qytetarë dhe shpëtova. Si do që të jetë puna, unë kam vendosur që nuk do të heq dorë pavarësisht kërcënimeve. Unë e di që janë elementë që përfaqësojnë struktura të caktuara, që duan të pengojnë integrimin e Shqipërisë  në BE, por është për të ardhur keq që ndodhin këto gjëra në Korçë. Të gjithë qytetarët më përshëndesin për marrjen e mandatit, por për fat të keq ka edhe elementë të tillë?,- tha Karamelo. /CNA.al

 





Lajmet e fundit nga