web counter
LEXO PA REKLAMA!

SHKARKO APP

App Store
Google Play

E fundit!

x

E thërret prokuroria/ Basha “arratiset” në Bruksel, braktis protestën

19 Mars 2019, 19:26, Aktualitet CNA

Kryetari i PD Lulzim Basha, pritet të niset nesër në Bruksel duke braktisur protestën e ditës të enjte në orën 10, dhe duke ju shmangur thirrjes që i është bërë të njëjtën ditë në prokurori.

Burime zyrtare nga PD i thanë CNA.al se Lulzim Basha do marrë pjesë në Asamblenë Politike  të Partive Popullore Europiane (EPP Political Assembly), e cila zhvillon punimet ne 20 dhe 21 mars në Bruksel.

Duke shfrytëzuar këtë aktivitet të EPP Lulzim Basha me një gur vret dy zogj.

Së pari shmang thirrjen në prokurori, e cila e ka njoftuar prej disa ditësh për ta pyetur në lidhje me skandalin e financimeve Ruse për lobim në SHBA nëpërmjet kompanive offshore.

Prokuroria ka njoftuar se ka thelluar hetimet për lobimet e Partisë Dmeokratike në SHBA dhe ka thirrur për të pyetur kreun e kësaj partie Lulzim Basha, ish sekretarin e përgjithshëm Arben Ristani dhe atë aktual Gazmend Bardhi.

Burime zyrtare nga prokuroria thanë për CNA.al theksuan se janë kthyer disa letër porosi nga SHBA dhe Skocia. Në vendin e parë ndodhet kompania lobuese dhe Skoci është kompania që ka kryer pagesat. Lulzim Basha në daljet e tij mediatike pas publikimit të skandalit ka mbajtur tre qëndrime të ndryshme në lidhje me finacimit rus për lobimet e PD në SHBA.

Së dyti shkon në EPP për të rregulluar kredencialet e tij të cilat janë përtokë në BE. Simotrat e PD në grupimin e Partive Popullore, janë në pushtet në shumë vende të BE, dhe kanë mbajtur qëndrim të ashpër ndaj vendimit të Bashës, për djegien e mandateve të deputetëve. Ky mund të ishte një shans për të takuar disa nga politikanët më të rëndësishëm në Europë.

Kreu demokrat nga ana tjetër duke shmangur prokurorinë me justifikimin e takimeve në EPP,  braktis dhe protestën që pritet të zhvillohet të enjten përpara parlamentit. Demokratët do duhet të protestojnë nën urdhrat e Monika Kryemadhit si bashkëkryetare e opozitës./CNA.al

 

 





Lajmet e fundit nga