web counter
LEXO PA REKLAMA!

SHKARKO APP

App Store
Google Play

Ekskluzive, zbulohen 15 paditë e Ramës/ Në gjykatën e Tiranës, Berisha, Basha, ish-deputetë dhe gazetarë

15 Mars 2019, 17:05, Aktualitet CNA

Ashtu siç kishte paralajmëruar kryeministri Edi Rama ka filluar fushatën e tij të padive.

Pas daljes në media të detajeve mbi padinë e Ramës ndaj Berishës, mësohet se kryeministri nuk ka bërë një por plor 15 padi në gjykatën e Tiranës. Të gjitha këto vetëm në gjykatën civile ende nuk dihet numri i atyre që janë dorëzuar në gjykatën penale të kryeqytetit.

Mediat raportuan për 40 padi, ndërsa CNA.al ka mundur të sigurojë informacion për 15 paditë që kryeministri ka dorëzuar tek gjykata civile e kryeqytetit të gjitha duke kërkuar dëmshpërblim moral për dëm imazhi.

Burime zyrtare nga gjykata i thanë  CNA.al se janë 15 padi por jo për 15 persona, por ka disa padi për një person.

Kryemnistri ka paditur ish-Ministrin e Mrojtjes Arben Imami, ish-deputeten demokrate Jorida Tabaku dhe gazetarin Ylli Rakipi, këta persona kanë nga një padi prej Edi Ramës.

Albana Vokshi kryetarja e LDG ka dy padi në gjykatën civile të Tiranës.

Ish-kryemnistri Sali Berisha dhe kreu i PD Lulzim Basha kanë se bashku nëntë padi, të paktën ato që janë dorëzuar deri tani, të gjitha prej Edi Ramës i cili kërkon shpërblime financiare nga të gjithë për dëmin e shkaktuar.

Çështjet gjyqësore janë në hapat e para të tyre dhe do të duhet ende kohë për të mësuar vendimet e gjyqtarëve në lidhje me pretendimet e Edi Ramës ndaj rivalëve demokratë dhe gazetarit Ylli Rakipi./CNA.al





Lajmet e fundit nga