E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Tefta-punonjësja që mposhti murin e heshtjes!

7 Mars 2019, 16:40, Aktualitet CNA

Qendra për të Drejtat në Punë (CLR), në bashkëpunim me Qendrën ?Aleanca Gjinore për Zhvillim? dhe me Bashkimin e Sindikatave të Pavarura të Shqipërisë, me Organizatën Ndërkombëtare të Punës në Shqipëri dhe të mbështetur nga Olof Palme International Center, organizoi sot më 07 Mars 2019 në Tiranë tryezën e diskutimit me temë: ?Ndal dhunës dhe ngacmimeve me bazë gjinore në vendin e punës! Mbështesni Konventën e Organizatës Ndërkombëtare të Punës!?.

Takimi u zhvillua me rastin e 8 Marsit, Ditës Ndërkombëtare të Gruas, si dhe në kuadër të 100 vjetorit të Organizatës Ndërkombëtare të Punës(ILO), në mbështetje të Konventës së propozuar nga ILO për ratifikim prej shteteve anëtare : ?Për ndalimin e dhunës dhe ngacmimeve në botën e punës?

Eneida Mjeshtri, perfaqesuese e Qendres për të Drejtat në Punë përcolli mesazhin se ?Duhet të ratifikojmë pa vonesë konventën e ILO-s, sepse nuk kemi luksin të humbim kohë. Pastaj të gjithë si veprimtarë: sindikatat, OJF organizmat e punëdhënësve dhe institucionet të angazhohemi në garantimin dhe advokimin e të drejtave të grave dhe vajzave në vendin e punës?.

Gëzim Kalaja, Kryetar i Bashkimit të Sindikatave të Pavarura të Shqipërisë kërkoi që delegacioni shqiptar që do të marrë pjesë në takimin e 100 Vjetorit të Organizatës Ndërkombëtare të Punës (ILO) të jetë unitar dhe të votojë pro konventës kundër dhunës me bazë gjinore në vendin e punës.

Mirela Arqimandriti, drejtore e Qendrës Aleanca Gjinore për Zhvillim theksoi se ?Në Evropë 40 përqind e grave në çdo nivel punësimi denoncojnë rastet e dhunës, kërcënimit dhe shantazhit në vendin e punës, ndërsa në Shqipëri nuk ka ASNJË rast të denoncuar. Duhet ta pranojmë se dhuna në vendin e punës kërcënon fizikun, por sidomos gjendjen psikologjike të gruas, duke i ulur dinjitetin dhe potencialin e saj për të kontribuar në ekonomi e shoqëri?.

Plejada Gujashi, përfaqësuese e Qendrës Ndërkombëtare Olof Palme nënvizoi se ?Të gjitha ne si gra e vajza, pavarësisht pozicionit që mbajmë e punëve që bëjmë, e kemi ndjerë në një formë ose tjetër presionin. Është momenti që të gjithë : institucione shtetërore, ILO, sindikata ,OJF, organizata e punëdhënësve e veprimtarë të tjerë të nisim një aksion të koordinuar në një plan të përbashkët reagimi kundër dhunës me bazë gjinore në vendin e punës?.

Bardhylka Kospiri, Zv.Ministre e Shëndetësisë dhe Mbrojtjes Sociale tha se ?Iniciativa e ILO për konventën kundër dhunës me bazë gjinore në vendin e punës është e mirëpritur, pasi parimet e saj janë dhe në themel të politikave dhe programit të qeverisë në lidhje me çështjet gjinore?.

Në takim foli Teuta Guci, ish-punonjëse në fabrikat e industrisë së fasonit, e cila denoncoi, duke mposhtur murin e heshtjes së shoqeve të saj. ?Kam përvojë e gjatë në fasoneri, 10 vjet?, tha ajo. ?Është e lodhshme, ka presion, ka dhunë, s?ka të drejta. Ka edhe shuplaka! Po, mua më kanë qëlluar! U përpoqëm të ngremë sindikatën tonë. Unë e para. E ngritëm, u bëmë grup, po punëdhënësi nuk e njihte. U hakmor ndaj meje si iniciatore e sindikatës duke më bërë shembull mua me pushimin nga puna, duke njollosur librezën time të punës me vulën ? Organizatore e aktivitetit sindikal të paligjshëm?.

Sot Tefta nuk është vetëm, pasi me ndihmën e shoqërisë civile që po i siguron asaj mbështetjen ligjore, nuk do të dorëzohet dhe do të kërkojë fort të drejtën e saj të shkelur. Rasti i saj është tashmë bërë publik ndërkombëtarisht.

Të gjithë pjesëmarrësit në takim kërkuan njëzëri tolerancë zero ndaj dhunës në vendin e punës nga ana e strukturave ligjzbatuese të shtetit dhe nga sindikatat, me qëllim garantimin e të drejtës së shenjtë të grave dhe vajzave shqiptare për të punuar në kushtet e sigurisë, dinjitetit, barazisë ekonomike dhe të zhvillimit profesional. Ata u bënë thirrje të gjitha grave dhe nënave që, krahas festës, të kërkojnë sot respektimin e të drejtave të tyre të punës në vendin e punës.