web counter
LEXO PA REKLAMA!

SHKARKO APP

App Store
Google Play

Zgjedhje të vjedhura?/ Ish-Ambasadori amerikan “shpërthen” ndaj Bashës dhe Kryemadhit  

6 Mars 2019, 15:35, Aktualitet CNA

Ish- Ambasadori i SHBA-së, Aleksandër Arvizu, ka folur për zhvillimet politike në vend.

Në një intervistë për TV “Top Channel”, Arvizu ka thënë se problemi kryesor dhe më specifik është djegia e mandateve nga opozita. Ai shtoi se kjo është taktika më e gabuar, sepse nuk ka një strategji të mirëfiltë dhe nuk ka rrugëdalje.

?Mendoj që një problem specifik me strategjinë aktuale të opozitës, që mesa duket quhet djegie e mandateve, duket një sjellje tejet shqiptare. Kurrë nuk e ka dëgjuar këtë më parë. Por ajo që po ndodh duket thjeshtë si taktikë. Është tejet taktike dhe ne mund t?i hyjmë një diskutimi tjetër nëse kjo është një taktikë e mirë apo e keqe. Por me sa duket kjo nuk është e bazuar mbi një strategji. Dhe e gjitha është vetëm taktikë, asnjë strategji taktike, asnjë rrugëdalje.?,- shprehet Arvizu.

Ish-Ambasadori ka shtruar pyetjen, se cili është ndryshimi midis djegies së mandatit dhe organizimit të një bojkoti apo të vendosjes se një çadre përpara Kryeministrisë.

? Në disa raste, edhe këto janë të nevojshme, por duket sikur situata po përsëritet herë pas here, dhe prandaj, siç e përmenda edhe më parë, populli është i sfilitur dhe i dëshpëruar. Mendoj që edhe ndërkombëtarët janë disi të frustruar. Por, ne kemi interes për Shqipërinë që shkon përtej marrëdhënieve dypalëshe.?,- ka thënë ish- ambasadori i SHBA-së.

Sipas Arvizus, Qeveria është legjitime dhe nuk ka sens të flitet për zgjedhjet e 2017 në 2019.

?Po të ngrihen pyetje mbi legjitimitetin e zgjedhjeve të 2017, tanimë në 2019, nuk e di po logjika nuk qëndron, nuk bën shumë sens. Dhe kur njerëzit thonë se ishin lekë droge, apo çdo lloj paraje tjetër e pisët që ua bëri të mundur njerëzve të zgjidheshin në 2017.

Natyrisht mund të debatojmë mbi korrupsioni apo këtë apo atë gjë, por rezultatet e zgjedhjeve ishin shumë të qarta. Në 2017 gjërat ishin konsistente me ato çfarë kishim parë në vitet e fundit. Dhe kjo përfshinte LSI që pati një prezencë të fortë në 2017. ?,- ka thënë Arvizu./CNA.al





Lajmet e fundit nga