E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Të gjitha tradhëtitë e Monikës dhe LSI-së

4 Mars 2019, 11:06, Aktualitet CNA

Dje në një mbledhje të Asamblesë së LRI-së, kryetarja e Lëvizjes Socialiste për Integrim, Monika Kryemadhi fjalën e saj thuajse e mbylli me këtë fjali ?Tradhëtinë të gjithë e përdorin, por tradhëtarin askush nuk e do.?

Kjo ishte fjalia që Monika Kryemadhi përdori si mesazh ndaj atyre, të cilët ndodhen si kandidat në listat për deputet dhe po pranojnë të marrin mandatin e nuk po dëgjojnë Monikën për të qëndruar në rrjesht. Në fakt e njëjta gjë po ndodh edhe me Lulzim Bashën dhe pritet që jo pak njerëz të ?rrëmbejnë? mandatin e deputetit.

Por, përtej faktit se sa është numri i ?tradhëtarëve? në LSI, e vërteta qëndron tek fjalia që ka thënë Monika, ?që tradhëtarin askush nuk e do?. Por, për tej kandidatëve, tradhëtari i parë është vetë Monika dhe LSI-ja e saj dhe kanë një histori tradhëtish të filluara 20 vite më parë. Tradhëti të cilat nuk ndalen. Të njëpasnjëshme dhe jo me pak kosto, si për politikën edhe për vendin.

Por, le të shohim se çfarë ndodhi gati 20 vite më parë.

Kur Pandeli Majko kandidaoi me Fatos Nanon në garën për kreun e PS-së, atëherë ai humbi me vetëm 30 vota.

Por, çfarë ndodhi?

Ilir Meta bashkoi votat me Fatos Nanon, tradhëtoi mikun e tij të ngushtë dhe bashkëpunëtorin e atëhershëm Pandeli Majkon dhe u bë vetë kryeministër.

Pra, rrëzoi Majkon me tradhtinë e tij dhe rrëmbeu karrigen e kryeministrit.

Kjo ishte tradhëtia e parë që kishte bërë ndaj një miku të ngushtë, i cili në atë kohë ishte edhe bashkëpunëtori i tij më i afërt.

Por, pas Majkos filluan tradhëtitë dhe sherret me Fatos Nanon, e tradhëtoi jo pak herë duke e shitur në zyrat dhe kancelaritë ndërkombëtare, por edhe publikisht.

Në 2004 tradhëtoi socialistët, duke u ndarë prej tyre dhe duke themeluar LSI-në. Këtu tradhëtitë janë të njëpasnjëshme dhe të pandalshme.

Në vitin 2005, janë të paktën 16 kandidatë të pavarur në Shqipëri, të cilët çojnë socialistë në humbje, kryesisht me mbështetjen e LSI-së. Sistemi mazhoritar, i dha PD-së mundësinë të vinte në pushtet, nëpërmjet tradhëtisë së LSI-së ndaj socialistëve.

Në vitin 2009, sërish ishte një tjetër tradhëti e Ilir Metës, njeriu që e shpalli partinë të majtë dhe me frymë deri ekstremiste komuniste, tradhëtoi socialistët e shkoi e u fut në qeveri me Sali Berishën.

Pas kësaj, tradhëton edhe vetë Berishën. Shkon e ha ngjala me Edi Ramën në Gjirin e Lalzit, dhe në 1 prill të 2013-ës largohet nga Berisha e shkon e hy në qeveri me Edi Ramën.

Më pas fillojnë tradhëtitë e tij nga brenda qeverisë, duke përdorur Ylli Manjanin, Petrit Vasilin e të tjerë bashkëpunëtorë të tij.

Shkoj më tej në 2017-ën. Gjatë kohë së çadrës së Partisë Demokratike, kur Lulzim Basha i bënte thirrje të bashkohej me opozitën, Ilir Meta jepte sinjale që ishte i gatshëm të bashkohej me PD-në dhe me çadrën për ta nxjerrë Edi Ramën në opozitë.

Por, ai gënjeu dhe e tradhëtoi edhe Lulzim Bashës. Shkoi e bëri koalicion me Edi Ramën dhe u zgjodh president i Republikës.

Vendosi Petrit Vasilin kryetar partie, e la një muaj dhe e gënjeu. Pas një muaji e shkarkoi dhe në krye të LSI-së vuri bashkëshorten e tij Monika Kryemadhin, e cila sot del e flet dhe bërtet për moral e për tradhëti.

Del e flet e bën moralin, duke thënë se ?ajo është populli?, e në qoftë se ajo do të ishte populli dhe nësë populli do të ishte si Monika nuk do të kishte më protestë dhe nuk do të kishim më as tradhëti.

Por, këta të LSI-së, Mona apo Likja përpara se ti përdorin fjalët apo fjalitë, duhet të mësojnë kuptimin e tyre. Se nuk është gjithmonë tradhëti vetëm kur tradhëtohen Iliri dhe Monika, që janë simbol. Këta kanë 20 vjet vetëm tradhëti, Ilir Meta, Monika Kryemadhi dhe LSI-ja. Që kur kanë hyrë në politikë, vetëm tradhëti dinë të bëjnë.

Në fakt në qoftë se do të kishim një forcë politike në Shqipëri që është simbol i tradhëtisë dhe mizerabilitetit në politikë, ajo e ka emrin LSI./CNA.al

Tradhëtinë të gjithë e përdorin por, tradhtarin asnjë nuk e do/ Me kë e ka Kryemadhi?