web counter
LEXO PA REKLAMA!

SHKARKO APP

E fundit!

x

Kasaphana në ish-Bllok/ Gjykata liron Ervin Matën

4 Mars 2019, 08:16, Aktualitet CNA

Gjykata e Tiranës ka dhënë sot masën e sigurisë ?detyrim paraqitje? për Ervin Matën, i dyshuar si një nga personat e përfshirë në ngjarjen e rëndë në ish-Bllok, ku humbi jetën një person, ndërsa dy të tjerë mbetën të plagosur.

Ervin Mata, biznesmeni i shpallur në kërkim për ngjarjen në ish-Bllok, është vetë dorëzuar dy ditë më parë në Policinë e Tiranës.

Mata, prej rreth 4 muajsh në kërkim, ka zgjedhur ti dorëzohet drejtësisë, ndërsa sot ka dalë para Gjykatës, e cila e la të lirë, pavarësisht se prokuroria kishte kërkuar ?arrest me burg?.

Kujtojmë këtu se ngjarja e rëndë ndodhi në zonën e ish-Bllokut në Tiranë, mbrëmjen e 4 tetorit të vitit 2018. Në një lokal u qëllua për vdekje Fabjol Gaxha, ndërsa mbetën të plagosur Ervis Martinaj dhe Eljo Hato.

Për ngjarjen vijon të qëndrojë në burg biznesmeni tjetër Ervis Martinaj, ndërsa Geldo Hoti, Ajaks Boshnjaku,  Redi Popesku, Fabiol Alushi u lanë të lirë pas arrestimit. I lirë u la edhe Eljo Hato, i plagosur bashkë me Martinajn. I vetmi në kërkim për vrasjen është ekzekutuesi ish-komandoja Merviol Bilo.





Lajmet e fundit nga