web counter
LEXO PA REKLAMA!

SHKARKO APP

App Store
Google Play

E fundit!

x

Negociatat me BE-në/ Partia e Merkel shuan shpresat për Shqipërinë?

22 Shkurt 2019, 14:55, Aktualitet CNA

Zëdhënësi i partisë së kancelares gjermane, Angela Merkel CDU-CSU ka reaguar në lidhje me veprimin e ndërmarrë nga opozita për djegien e mandateve të deputetëve.

Florian Hahn, zëdhënësi i CDU/CSU vlerëson se Shqipëria po humbet shumë kredite në sytë e miqve europianë.

Zëdhënësi Florian Hahn thekson ndër të tjera se, në rast se perspektiva për çeljen e negociatave për në BE në mesin e vitit të kaluar ishte ende rozë, tani po shfaqen re të zeza.

?Shqipëria për momentin është duke luajtur shumë me kredibilitetin tek miqtë evropianë. Në rast se perspektiva për çeljen e negociatave për në BE në mesin e vitit të kaluar ishte ende rozë, tani po shfaqen re të zeza. Protestat e aktuale në Tiranë pengojnë qeverinë, si dhe paralizojnë funksionimin e parlamentit. Protestat dhe demonstratat bëjnë pjesë tek të drejtat e njeriut dhe janë një tipar dallues i demokracisë, në rast se ato zhvillohen në mënyrën e duhur. Por deputetët e partive tona partnere në Shqipëri i bëjnë një shërbim të keq (autogol) qëllimit të tyre, nëse nëpërmjet dorëzimit masiv të mandateve do të shkaktojnë një stanjacion politik dhe do të nxisin protesta të dhunshme. Një qëndrim refuzues nuk i shërben as vendit, as qytetarëve.? -deklaron zëdhënësi i CDU/CSU gjermane./CNA.al





Lajmet e fundit nga