E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD me 177 vota,...

E akuzoi për plagjiaturë/ Argita Malltezi i përgjigjet Taulant Mukës

22 Shkurt 2019, 11:42, Aktualitet CNA

Vajza e ish-kryeministrit Sali Berisha, pedagogia Argita Malltezi ka reaguar pas akuzave të ish-zv.minitrit të Arsimit, Taulant Muka, për plagjiaturë. Muka akuzonte Argita Malltezin se ka një artikull 100% plagjiaturë.

?Nje material teresisht i kopjuar nga nje publikim i Universitetit te Vlores. Universitetet shqiptare dhe e ardhmja e te rinjve jane marre peng nga kakistokratet majtas dhe djathtas te cilet e konsiderojne auditorin si nje ambjent per familjet e tyre dhe jo per te diturit!?-shkruante Muka në profilin e tij në rrjetet sociale.

Por, në një deklaratë për akuzat në fjalë, pedagogia Malltezi shprehet se ky artikull nuk figuron në listën e artikujve apo prezantimeve në konferenca që ajo vetë ka dorëzuar për marrjen e titujve shkencorë dhe as që gjendet në ndonjë nga CV-të që ka përdorur ndonjëherë, dhe një fakt i tillë vijon më tej Malltezi mund të provohet fare lehtë nga dosja që ndodhet në Ministrinë e Arsimit.

?Taulant Muka ka bërë zbulimin se një artikull që mban emrin tim, i botuar në vitin 2011 është plagjiaturë e artikullit të një punimi tjetër. Sqaroj publikun se:
Artikulli në fjalë nuk është i imi dhe nuk ia kam idenë pse emri im figuron si autor i dytë. Mund të provohet fare lehtë nga dosja që ndodhet në Ministrinë e Arsimit se ky artikull nuk figuron në listen e artikujve apo prezantimeve në konferenca që unë kam dorëzuar për marrjen e titujve shkencorë dhe as që gjendet në ndonjë nga CV-të që unë kam përdorur ndonjëherë. Në botimet e mia të dorëzuara për marrjen e titujve, përveç artikujve të botuara në revista vendase dhe ndërkombëtare janë edhe disa libra, të cilat janë pjesë e fondit të bliblotekave vendase dhe të huaja, përfshirë Library of Congress.
Nëse z.Muka do të kishte integritet kërkimor, vulën e të cilit pretendon se mban në Shqipëri, do të kishte marrë mundimin të kontaktonte me autorët të cilëve u përmend emrin për të pyetur nëse kanë shkruar një shkrim të tillë. Por mesa duket shërbimet që Muka kryen për llogari të të tjerëve janë më afër mendjes së tij sesë kërkimi shkencor pranë zemrës.?-shprehet Argita Malltezi.