web counter
LEXO PA REKLAMA!

SHKARKO APP

App Store
Google Play

Spartak Braho trondit politikën/ Rama do të bjerë nga pushteti

22 Shkurt 2019, 10:07, Aktualitet CNA

Ish-kryetari i Komisionit të Sigurisë Kombëtare, Spartak Braho, ka paralajmëruar se kryeministri Rama do të bjerë nga gabimet që ai bën vetë dhe jo nga protesta e opozitës.

Në një intervistë për gazetën ?Dita?, deputeti socialist, Spartak Braho thekson se ka ardhur koha për një pastrim të plotë të politikës.

?Rama do të bjerë nga gabimet që po bën vetë në qeverisje, por jo se e sulmon Berisha dhe Basha me Kryemadhin. Sidoqoftë unë mendoj që ka ardhur koha të pastrohet kjo klasë politike dhe kjo mendoj se do të ndodhë. Shembulli i Greqisë fqinje ku një politikan thuajse i panjohur si Cipras zhduku nga skena politike dy partitë e mëdha tradicionale të politikës greke. Kam besim se kjo do të ndodhë një ditë??- shpreh Spartak Braho.

Ndërsa në lidhje me veprimin e ndërmarrë nga opozita për dorëzimin e mandateve të deputetëve, Braho tha se kanë kryer aktet më të turpshme, pasi sipas tij kanë prishur kontratën me zgjedhësit.

?Këta deputetë që me dëshirën e tyre firmosën dorëheqjen nga mandati i deputetit, kanë kryer një nga aktet më të turpshme: ata prishën kontratën me zgjedhësit dhe, si të tillë nuk kanë më të drejtën të rizgjidhen si përfaqësues të popullit në Kuvendin e Shqipërisë? ? thotë Braho./CNA.al





Lajmet e fundit nga