web counter
LEXO PA REKLAMA!

SHKARKO APP

App Store
Google Play

Tjetër marrëveshje me Ramën?/ Basha flet për median italiane

21 Shkurt 2019, 08:56, Aktualitet CNA

Në një intervistë të dhënë për median italiane, Rai Neës, kryetari i Partisë Demokratike, Lulzim Basha ka folur në lidhje me protestën si dhe vendimin për djegien e mandateve.

Kryedemokrati Basha ka vijuar të hedhë akuza të forta ndaj qeverisë, e cila sipas tij është e lidhur me krimin.

Gjithashtu Basha ka thënë se opozita nuk ka kërkuar kurrë dhunë dhe se djegia e mandateve ishte një masë ekstreme në kushte ekstreme.

?Ky është një akt ekstrem, ne nuk presim përgëzime por ne urojmë vetëm një gjë, standardet dhe vlerat e demokracisë europiane dhe amerikane. Në Europë kur një kryeministër kapet duke vjedhur rezultatin e zgjedhjeve në bashkëpunim me krimin e organizuar, dhe kjo është transmetuar publikisht në mediat ndërkombëtare, ajo qeveri duhet të largohet dhe përgjegjësit duhet të përballen me drejtësinë?, ka deklaruar Basha për RaiNeës.

I pyetur nëse parashikon protestë të dhunshme gjatë ditës së sotme, Basha tha se opozita nuk ka kërkuar kurrë dhunë por nënvizoi gjendjen e rëndë në vend.

?Ne nuk kemi kërkuar kurrë dhunë. Ne kemi kërkuar gjithmonë protestë paqësore. Situata në vend është shumë e rëndë. Ka papunësi të lartë, varfëri të madhe në të gjithë vendin dhe kjo e ka zemëruar popullin që tani e di se varfëria nuk vjen se vendi është i varfër por sepse vendi dhe populli janë vjedhur.?-tha Basha.

Ndër të tjera, Basha ka mohuar që do të ketë një marrëveshje të dytë me kreun e qeverisë, pasi sipas tij marrëveshja e 17 majit nuk u repektua kurrë nga Rama.

?Jo për një arsye të thjeshtë, sepse Rama nuk e ka respektuar asnjëherë atë marrëveshje.
Rama është kapur nga organi i akuzës në Shqipëri në përgjime që janë publikuar nga media ndërkombëtare në të cilën ai dhe bashkëpunëtorët e tij bëjnë marrëveshje me krimin e organizuar për të intimiduar zgjedhësit dhe për të blerë vota, çka solli një parlament që nuk është rezultat i vullnetit të popullit por është diktuar nga krimi i organizuar.?-deklaroi kreu i PD, Lulzim Basha./CNA.al





Lajmet e fundit nga