E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Shpërthen” Spartak Ngjela/ Kemi nevojë për ndërhyrje drastike

21 Shkurt 2019, 07:53, Aktualitet CNA

Avokati Spartak Ngjela vijon të jetë një zë mjaft kritik në drejtim të klasës politike.

Në një postim në rrjetet sociale, avokati Ngjela ka hedhur kritika të forta në drejtim të ish-kryeministrit Sali Berisha dhe kreut aktual të qeverisë, Edi Rama.

Në postimin e tij, Ngjela i ka cilësuar Ramën dhe Berishën, si një ?mësues vizatimi dhe një mjek periferie?, që sipas tij edhe Suedinë po ta drejtonin do ta kishin shkatërruar.

?Kriza e Shqipërisë është pasojë e nivelit shumë të ulët të mendimit intelektualo-profesional në drejtimin e shtetit.
Nesër korrupsioni kërkon ndihmën e shqiptarëve që këta të mbrojë korrupsionin e politikës së lartë.
Është pamundësi.

Çfarë konstatohet në Shqipëri sot, pas 27 vjerësh:
Njerëz pa vlerë që kanë kalbur shtetin institucionalisht; dhe e kanë kthyer politikën në një dimension vulgar: kjo është gjendja e sotme në Shqipëri – asnjë ide. Asnjë skemë zhvillimi.Treg joprodhues.
Parlamentarë që bëjnë luftë njerëzish dhe jo luftë idesh.
Parlament i kthyer në një instrument vjedhjesh kur duhej të ishte instrument ligjesh.

Në fakt kjo ka qenë me së shumti një kohë drejtuese që ka kaluar, nga Berisha, një kryeministër mjek i një mjeksie të prapambetur e periferike, te Rama, një kryeministër që është mësues vizatimi.
Jo Shqipërisë, por Suedisë që është vendi më i zhvilluar i Globit, po t’i vijnë e ta drejtojnë në dhjetë vjet një mjek i provincës komuniste shqiptare dhe një mësues vizatimi, edhe ky shtet do të falimentonte ekonomikisht dhe institucionalisht.?-shkruan Ngjela.

Sipas avokatit Ngjela gjendja në të cilën është zhytur Shqipëria kërkon ndërhyrje drastike dhe këtë po bën Amerika, nëpërmjet Reformës në Drejtësi.

?Kjo është gjendja jonë e cila sot po kërkon ndërhyrje drastike. Amerikanët mendojnë ta shërojnë shoqërinë shqiptare me anë të Reformës në Drejtësi. Ata nuk mund ta pranojnë këtë klasë politikë të korruptuar plotësisht.
Dhe po duan ta largojnë me anë të goditjes penale.
Por korrupsioni po bën rezistencë. Këta kanë hequr dorë nga pushteti, por duan paratë që kanë përvetësuar. Në esencë, këta duan destabilizimin e Shqipërisë.
E kanë kot. Kjo është një luftë me mullinjtë e erës.?-shkruan Ngjela në postimin e tij./ CNA.al