E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Hetim politikanëve të inkriminuar/ 22 prokurorë drejt SPAK-ut, pa Vetting

21 Shkurt 2019, 12:27, Aktualitet CNA

Struktura e Posaçme Antikorrupsion është kryefjalë, sa herë që flitet për krim të organizuar, korrupsion në politikë, në drejtësi dhe jo vetëm.

Politikanët e përmendin SPAK-un, sa herë t’ju vijë rasti, dikush për të shpëtuar prej tij, dikush që do të duket se kërkon drejtësi e kështu me radhë.

Edhe qytetarët, nga mënyra se si është lakuar në media ngritja e kësaj strukture, po e presin me padurim që të shohin të inkriminuarit e politikës dhe të drejtësisë pas hekurave.

Gjithsesi ngritja e SPAK-ut duket se i ka alarmuar politikanët, gjyqtarët, prokurorët apo të gjithë zyrtarët e lartë të inkriminuar.

Megjithë këtë pritshmëri, gjatë kësaj periudhe është parë një hezitim kryesisht nga ana e prokurorëve për të aplikuar. Kështu Këshilli i Lartë i Prokurorisë e ka shtyrë disa herë afatin për aplikim.

KLP e ka shtyrë afatin e aplikimit për në Strukturën e Posaçme Antikorrupsion deri më 21 shkurt 2019, pra deri më sot. Kjo zgjatje afati erdhi një ditë para se të përfundonte koha për aplikim, e cila ishte caktuar fillimisht deri më datën 7 shkurt 2019.

Gjatë kësaj kohe, KLP iu ka bërë thirrje prokurorëve të aplikojnë për SPAK. Thirrjet për aplikim në vijimësi nuk kanë munguar as nga ndërkombëtarët.

Deri më tani kanë aplikuar 27 kandidatë, pjesa më e madhe prokurorë nga Krimet e Rënda.

KLP ka vendosur që numri i prokurorëve të posaçëm të jetë 15, pesë më pak se numri e prokurorëve që aktualisht punojnë pranë Gjykatës së Shkallës së Parë për Krimet e Rënda.

19 kandidatë s’kanë kaluar Vetingun

Nga 27 kandidatë , nga radhët e prokurorëve që kanë aplikuar për në SPAK, 22 prej tyre nuk e kanë kaluar ende procesin e Vettingut. Emrat e tyre janë në listën prioritare të Komisionit të Pavarur të Kualifikimit, por, ende nuk janë verifikuar.

Vettingun e kanë kaluar prokurori i Krimeve të Rënda, Dritan Prençi, nga KPK Vettingun e ka kaluar edhe prokurori Besnik Muçi, por Komisioneri Publik e ka ankimuar vendimin. Sipas Komisionerit Publik, vendimi i KPK nuk është i drejtë, pasi subjekti i rivlerësimit nuk justifikon burimet financiare të shpenzimeve dhe kursimeve.

Edhe Arben Kraja, prokuror pranë Prokurorisë së Përgjithshme e ka kaluar Vettingun.

Një tjetër kandidat për SPAK, që ka kaluar Vettingun është edhe prokurori i Shkodrës Vatë Staka. Vendimi i zbardhur i Komisionit të Pavarur të Kualifikimit, tregon se prokurori i Shkodrës Vatë Staka, kaloi pa pengesa vetingun, por KPK i cilësoi aftësitë e tij minimale, ndërsa u shpreh se arsyetimi i tij ligjor në vendimet e marra ishte ?relativisht i kuptueshëm?.

Vettingun e ka kaluar edhe kandidatja e cila ka aplikuar sot, Donika Prela.

Kandidatët që synojnë SPAK-un dhe që nuk kanë kaluar ende në Vetting janë, Edvin Kondili, Besim Hajdarmataj,Vladimir Mara, Klodian Braho, Anton Martini, Eneid Nakuçi, Eugen Beci, Doloreza Musabelliu dhe Behar Dibra. Të gjithë këta janë prokurorë të Krimeve të Rënda.

Gjithashtu në Vetting nuk kanë kaluar edhe kandidatët Dorina Bejko nga Prokuroria e Pogradecit, Shkëlzen Cena nga Prokuroria e Dibrës, Gëzim Cenaj si dhe ish-prokurori Fatmir Hoxha.

Ky i fundit, aktualisht jashtë sistemit të drejtësisë, ka ushtruar detyrën si prokuror për 12 vjet. Aktualisht Hoxha mban detyrën e drejtorit të Adiministrimit të Pronës Shtetërore në Ministrinë e Financave.

Edhe 6 kandidatët që kanë aplikuar një ditë para skadimit të afatit, prokurori në Prokurorinë e Apelit Tiranë, Altin Dumani, prokurorja në Prokurorinë e Gjykatës së Shkallës së Parë Durrës Enkeleda Osmani, Enkeleda Millonai, Elida Kackini (Celami) prokurori Maksim Sota si dhe prokurorja Elisabeta Imeraj, nuk kanë kaluar ende në procesin e Vettingut.

Edhe kandidatët që kanë aplikuar ditën e fundit të afatit, Irena Nino (Vujoshi), anëtare e perkohshme pranë Komisionit të Monitorimit të Reformës në Drejtësi, Manjola Kajana, Prokurore në Prokurorinë pranë Gjykatës së Shkallës së Parë për Krime të Rënda dhe Ndini Tavani, Prokuror në Prokurorinë Pranë Gjykatës së Shkallës së Parë Tiranë, nuk kanë kaluar ende në Vetting./CNA.al