web counter
LEXO PA REKLAMA!

SHKARKO APP

App Store
Google Play

E fundit!

x

Ndryshon strategjia e opozitës/ Protesta në të gjithë Shqipërinë

21 Shkurt 2019, 12:07, Aktualitet CNA

Ka përfunduar pa incidente dhe pa akte dhune protesta e sotme e opozitës, para parlamentit.

Protestuesit u grumbulluan rreth orës 10:00 para godinës së Parlamentit, ndërsa rreth orës 10:30 atyre u janë bashkuar edhe kryetarja e LSI, Monika Kryemadhi, kreu i PD-së, Lulzim Basha si dhe ish-kryeministri Sali Berisha.

Në rreth 180 minuta protestë para parlamentit, mbajtën fjalime qytetarë dhe deputetë, ndërsa këta të fundit dorëzuan edhe publikisht mandatet.

Protesta para parlamentit u mbyll me fjalën e Bashës, i cili tërhoqi turmën e protestuesve drejt kryesisë së Kuvendit, për të dorëzuar aktin e dorëheqjes nga mandatet e deputetëve.

Ndërkohë, pasi Lulzim Basha dhe Monika Kryemadhi dorëzuan zyrtarisht mandatet e deputetëve në Kryesinë e Kuvendit, protestuesit ndoqën pas Bashën drejt selisë blu.

Kryedemokrati Basha gjatë fjalës së tij nga selia blu, paralajmëroi se aksioni i radhës i opozitës do të shtrihet në të gjithë Shqipërinë.

?Shqipëria do jetë e njerëzve të ndershëm të këtij vendi që duan ti japin fund padrejtësië. Duan t?i japin fund pandëshkueshmërisë. Duan t?i japin fund parlamentit të krimit.

Së bashku me vullnetin tuaj, me zgjedhje europiane do kemi një qeveri të popullit, për popullin dhe nga populli.
Shqipëria do ketë një të ardhme, ky është mesazhi i gjithë popullit. Bëhuni gati anembanë vendit. Zoti e bekoftë Shqipërinë fitore?- tha Basha.

Ai e ka mbyllur duke kënduar himnin kombëtar së bashku me protestuesit dhe simbolin e Shqiponjës. Nga sot Kuvendi i Shqipërisë nuk ka zyrtarisht opozitë. Të gjithë deputetët e opozitës kanë dhënë dorëheqjen e tyre dhe në mënyrë demonstrative e kanë dorëzuar në Kuvend./CNA.al





Lajmet e fundit nga