E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Akuza të rënda ndaj Opozitës/ Balla: Dorëzimi i mandateve tradhëti për qytetarët

21 Shkurt 2019, 16:38, Aktualitet CNA

Gara për SPAK është mbyllur ditën e sotme me 27 kandidatura prokurorësh. Një gjë e tillë është përshëndetur nga kreu i Grupit Parlamentar të PS-së, Taulant Balla nëpërmjet një postimi në rrjetet sociale.

Balla shkruan se politikanët e korruptuar me gjithë përpjekjet e tyre nuk mund ta pengojnë më krijimin e SPAK-ut.

Sipas tij, nuk është rastësi dorëzimi i mandateve nga ana e opozitës pikërisht në ditën e përfundimit të aplikimeve për Prokurorinë e Posaçme.

?Prokuroria Speciale Anti-Korrupsion (SPAK) në rrugë të mbarë, me një numër të konsiderueshëm kandidatësh (27) për të marrë këtë detyrë të rëndësishme. Politikanët e korruptuar nuk e ndalin dot më, edhe me përpjekjen e sotme.

Nuk është rastësi që akti i sotëm anti-demokratik i Sali Berishës, Lulzim Bashës dhe Monika Kryemadhit ndodhi pikërisht në ditën e përfundimit të aplikimeve për SPAK dhe në ditën që Kuvendi duhet të votonte strukturën e institucioneve kryesore të Drejtësisë së Re: Këshilli i Lartë i Drejtësisë (KLGJ) dhë Këshilli i Lartë i Prokurorisë (KLP). Megjithatë Kuvendi i shqiptarëve do ta votojë në seancën më të parë javën e ardhshme?,-shkruan Balla.

Më tej Balla e ka cilësuar veprimin e opozitës për dorëzimin e mandateve si një tradhëti ndaj atyre që i kanë votuar.

?Mandatet që PD dhe LSI paraqitën dorëheqjet nuk janë personale, as të partive respektive, por janë shprehje e vullnetit të popullit. Dorëzimi i dorëheqjeve prej shumë prej deputetëve të këtyre dy partive përbën një tradhëti për të gjithë ata qindra mijëra qytetarë që besuan tek platforma e opozitës në qershor 2017.

Kjo sjellje e paprecedentë e PD dhe LSI sot ngjason gjithmonë e më shumë me një sjellje tipike të një organizate terroriste, e gatshme për të hedhur në erë të gjithë sistemin.

Por sistemi demokratik në Shqipëri është tashmë i konsoliduar, ndërsa institucionet shqiptare janë partnere të besueshme të SHBA?? dhe BE???,-vijon më tej ai.

Sipas Ballës, protestat e dhunshme dhe dorëzimi i mandateve nga PD dhe LSI minon perspektivën europiane të Shqipërisë.

?Prej vitit 2013 Shqipëria ka përshpejtuar dhe thelluar ritmin e reformave, si dhe ka konsoliduar progresin në përmbushjen e pesë përparësive kyçe për hapjen e negociatave të anëtarësimit, protestat e dhunshme dhe dorëzimi i mandateve nga ana e Partisë Demokratike dhe Lëvizjes Socialiste për Integrim vetëm pak muaj larg mbledhjes së Këshillit Europian në qershor 2019, minojnë qartësisht perspektivën europiane të Shqipërisë?,-përfundon Balla./CNA.al