E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Taulant Mukës nuk i del inati/ “Degjeneron” ministren e Arsimit

20 Shkurt 2019, 07:30, Aktualitet CNA

Ish-zv.ministri i Arsimit, i cili dha dorëheqjen vetëm pak ditë pasi mori këtë detyrë, Taulant Muka ka hedhur kritika mjaft të forta në drejtim të ministres së Arsimit, Besa Shahini.

Në një postim në rrjetet sociale, Muka e cilëson Shahinin si një ministre pa identitet.

Duke ju referuar një interviste televizive të ministres Shahini, Muka thekson se ?Degjova me kureshtje Ministren e re te Arsimit perballe Lutfi Dervishi! Nje ministre pa identitet, pa mendim te sajen! Nje ministre qe vetem reciton “paktin e universitetit”, por qe nuk di te jape nje argument!?.

Më tej, Muka numëron disa nga ato që sipas tij Besa Shahini nuk goxon ti thotë.

? Znj Ministre ju nuk keni guxim te thoni:
-I shkarkuam anetaret e bordeve te administrimit sepse jane te korruptuar!
-Ata politikane qe kapen me plagjiature duhet te japin doreheqje siç behet kudo ne boten e zhvilluar perendimore!

Çfare modeli jeni ju per rinine Shqiptare, modeli qe mohon çdo pergjegjesi dhe qe nuk denon “hajdutet intelektual”?! Nje model i ngjashem si shefja juaj Nikolla & qe u ngrit gjithe rinia ne kembe kunder? Po si mund te gjenerojne universitetet Shqiptare para dhe te bejne kerkim shkencor me ato kapacitete “akademike” qe kane, dhe me bizneset shqiptare qe nuk e dine se çeshte inovacioni?!?.

Më tej, ish-zëvëndësministri deklaron se gjendja në universitet është e mjerueshme dhe se ministrja nuk ofron asnjë zgjidhje. Muka e cilësonm arsimin shqiptar, me shekuj larg nga nivelet akademike perëndimore dhe fajtore për këtë sipas tij është politika.

?Gjendja ne arsimin e larte ne Shqiperi eshte e mjerueshme, dhe ju znj Ministre nuk po ofroni zgjidhje! Perkundrazi, kush e njeh dhe e do arsimin e larte e kupton qe politika qe po ndiqni do e shkaterroj dhe me shume arsimin e larte! Ne jemi shekull larg nga nivelet akademike perendimore, dhe sa me shume kohe humbasim me reformat jo te duhura ne arsimin e larte, aq me shume e thellojme kete distance dhe shkaterrojme te ardhmen e te rinjve dhe Shqiperise!?-përfundon postimin e tij Taulant Muka./CNA.al