E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çuni i Fahriut lë me gisht në gojë peshkatarin e Pogradecit

19 Shkurt 2019, 19:11, Aktualitet CNA

Fotoreporteri Felix Bilani në një postim në rrjetet sociale ka bërë publikuar një bisedë rastësore të tij me një peshkatar buzë liqenit të Pogradecit.

Bilani shkruan se ajo çfarë e tërhoqi t?i afrohej peshkatarit ishte fytyra e vrenjtur e peshkatarit i cili i kishte ngritur duart nga qielli.

Gjatë një bashkëbisedimi me të fotoreporteri ka zbuluar arsyen e fytyrës së vrenjtur të peshkatari, e cila ishte djegia e mandateve nga deputetët e opozitës.

Pyetjes së Bilanit se ç?lidhje kishte ai me djegien e mandateve, peshkatari iu përgjigj me premtimin i pambajtur për një varkë të re me motor të bërë që në fushatë nga deputeti i Pogradecit Klevis Balliu, të cilin jemi mësuar tashmë ta shohim çdo ditë teksa shkon dhe i bën premtime banorëve te Astirit.

Postimi i plotë:

Ashtu rutinë

Tek fotografoja sot buzë gjolit vallen e pulbardhave, nën një dritë të bukur Perëndie, pa dashur anash meje disa hapa më larg më tërheq vëmendjen një njeri, as i ri e as plak me një kasketë si qëmoti, veshur varfërisht por pastër , rrinte shikonte gjolin dhe ngrinte kokën lart e ngrinte duart nga qielli , mërmëriste diçka nën zë sepse shihja lëvizjen e lehtë të buzëve.

Diçka duhet të ketë them me vete, le aparatin , nxorra duhanin dhe tek po dridhja një cigare duke ecur mbërrita te ky njeri.

Do e ndezesh nje i them. Jo mu përgjigj.

Si të quajnë i them

Llazar ma kthen me një ton që ndjehej mundimi, një zë i lodhur nën një trishtim te madh, ja shoh syte tek i flisja kishte një trishtim tejet të madh, psherëtinte gati në te qarë.

Me se meresh i them.

Peshkatar ma kthen thatë.

Te ka ndodhur gjë e pyes, duke menduar ndonjë tragjedi me varkë ne liqen.

Gjëmë e madhe më tha, po ma jep atë cigëren qe më the më parë më thotë.

I zgjata qesen e duhanit.

Ke familje e pyes.

Kam tha , kam edhe 4 fëmije që i mbaj me te ardhurat që nxjerr nga peshkimi.

Dmth i them , familjen e ke mirë.

Mire e kam, fëmijet i kam të mbarë ma kthen, gruaja nikoqire dhe e dashur.

Mbetem, çfarë gjëmë mund ti ketë ndodhur kur familjen e paska mirë.

Po mire i them, po ç?të ka ndodhur që je kaq i mërzitur e i trishtuar kur familjen e ke mirë.

Më pa një herë me sytë e tij të dhembshur e të lëngëzuar e pastaj i qetë ndezi cigaren, e thithi nja dy herë me forcë, dhe e shfryu tymin me nervozizëm duke lëvizur dorën para fytyrës sikur donte të largonte dicka.

Po ja o djalë më thotë, dëgjova lajmet dje e sot, dëgjova që do djegin mandatet këta të opozitës.

Mbetem, isha mes të qeshurës më të madhe edhe mendimit se a ishte në rregull nga mendja apo jo ky njeri.

Po mirë mo i them , ç?punë ke ti me mandatet e opozitës i djegin apo jo një mut është.

Kam o djale kam sepse deputeti i qytetit, ai mo djali i atij gazetarit, si i thonë, Balliut më kishte premtuar që kur të mernin pushtetin e të bëhej ministër do më ndihmonte me një varkë me motorr se me krah sja dal dot më me tha ah ç?na bënë e shikon më tha për një bythë kartoni do rrëmoj sërisht me krahët e mi më tha, ja këtë na bënë.

Po ka kohë që të ka premtuar i them.

Po mo, që kur ishte fushata e na vinte e na lodhte mendjen duke ngrënë peshkun që kapnim ne, po të paktën mire se sa ishte ai këtej sikur u rrit pak çmimi i peshkut se edhe hante edhe blinte i varfri, po ika tani se do merrem me rrjetat.

Qëllofsh i them.

E tek ikte pak i kërrusur në fundin e shpinës së tij, dheu kishte lënë një si figurë që i ngjasonte këtij deputeti largpamës.

PS. Emrat janë thjesht rastësi/CNA.al