E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Profecia e Nikoll Lesit/ Qeveria bie për 45 ditë, zbulohet skenari i Ramës

20 Shkurt 2019, 10:32, Aktualitet CNA

Nikoll Lesi, botuesi i gazetës ?Koha Jonë?, duke komentuar vendimin e opozitës për djegie mandatesh, bën edhe një parashikim, sipas të cilit bie qeveria për 45 ditë dhe vendi do të shkojë në zgjedhje të parakohshme.

Por, Lesi zbulon edhe ?skenarin? e Ramës, ndërsa thekson se kryeministri mund të blejë ndonjë deputet të PD-LSI, pasi sipas tij, kudo ka qenër dhe bushtra të lira dhe të lirshëm.

Sipas Lesit, Rama do kërkojë mocion besimi në Parlament në fillim të marsit, por nuk do të marrë 71 vota pro, ndaj dheqeveria bie dhe shkohet në zgjedhje të parakohshme.

Lidhur me këtë, Lesi shkruan se vend do të shkojë në zgjedhje të parakohshme parlamentare për 45 ditë.

?Edi Rama është zënë në një çark, papritur, dhe akoma nuk e ka marrë veten nga vendimi surprizë i opozitës për djegien e mandateve të deputetit. Edhe nëse firon ndonjë deputet nga PD apo LSI duke u ushqyer në grazhdin e Qeverisë, prapë se prapë vendimi i opozitës mbetet politik e nuk ndikon aspak në Parlament apo në publik.

Opozita zyrtare e ka djegur parlamentin. Mund të blihen ?salirexhepër?, sepse kudo gjendet qenër apo bushtra të lira dhe lirshëm. Rëndësi ka që zyrtarisht opozita ka vendosur për mosnjohje të Kuvendit të Shqipërisë, duke djegur mandatet.

Pra tashmë është fakt i kryer politikisht dhe ligjërisht. Topi mbetet në fushën e PS. Edi Rama nuk ndjehet mirë. Kjo duket dhe shikohet nga lëvizjet e tij të çorientuara të ditës.

Edhe kur bën sikur nuk don t?ia dijë, prapë se prapë ai e ndjen se nuk ka rrugëzgjidhje përveç një qeverie tranzitore për ta çuar vendin në zgjedhje dhe që të merret me integrimin e Shqipërisë në BE në qershor.

Me Ramën dhe me këto vendimet të forta të opozitës në mbrojtje të votës së lirë, nuk ka asnjë shans marrja e statusit. Vetëm qeveria e propozuar nga opozita mund t?i jap vendit vendin e kandidatit zyrtar për në BE.

Akoma jemi në dy ditët e para të vendimit ekstrem të opozitës dhe Kryeministri nuk e ka marrë veten sepse mendonte se mund t?i përçante PD dhe LSI. Nuk ia arriti, ndonëse bleu nja dy deputetë të thonë në LSI dhe PD. Tani burime nga grupi antiRama në PS sqarojnë se Edi Rama po shikon mundësinë e një loje dinake kushtetuese.

Javën e parë të marsit do të kërkojë Mocion Besimi në Parlament dhe ti porosisë deputetët e tij të mos e votojnë në bllok, ç?ka do të thotë se nëse nuk merr 71 vota pro, qeveria bie dhe shkon automatikisht në zgjedhje të parakohshme parlamentare.

Sipas Kushtetutës vendi shkon për 45 ditë në zgjedhje të parakohshme parlamentare, por me këtë qeveri dhe kryeministër.

Loja e tij luhet që ?a deshët zgjedhje?!?. Hajde e shkojmë sipas Kushtetutës me mua kryeministër! Ndërkohë opozita nuk pranon kurrsesi të futet ne zgjedhje me Edi Ramën kryeministër, pasi ka fakte dhe bindje se me atë në krye të qeverisë prapë bandat do blejnë votat. Edi Rama po pret Mocion Besimi. Opozita lufton për qeveri tranzitore pa Ramën shef të qeverisë. Cili variant do fitojë??, shkruan Lesi në gazetën e tij.