E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skandal me karburantet/ Kush përfiton dhe kush humb?

19 Shkurt 2019, 14:49, Aktualitet CNA

Në vitin 2013 në vigjilje të ndërrimit të pushtetit, u nënshkrua koncesioni i shenjimit të karburanteve. Kompania fituese ishte GFI dhe pavarësisht përfoljeve të ndryshme nga ish-opozita e atëhershme, pas ndërrimit të pushtetit doli që kjo kompani do të vazhdonte ekzekutimin e kontratës së koncesionit.

Shoqata e hidrokarbureve ndërmori një ankimim me hapje çështje gjyqësore ku kundërshtonte nevojën e shenjimit të karburanteve në Shqipëri, pavarësisht problematikave që shteti shqiptar dhe institucionet ligjzbatuese kishin ndeshur ndër vite me monitorimin dhe mbledhjen e tarifave dhe taksave nga ky produkt. Në fund, Gjykata Kushtetuese vendosi pro shenjimit të karburanteve, qofshin këto të përpunuara apo për përpunim të mëtejshëm, me qëllim realizimin e tagrave shtetërore në monitorimin dhe mbledhjen e të ardhurave në sasinë dhe cilësinë e duhur. Vendimi i Gjykatës Kushtetuese ishte jo vetëm në të njëjtën linjë me kontratën e koncesionit, por edhe me ligjin e hidrokarbureve që citon shprehimisht nevojën dhe domosdoshmërinë e shenjimit të tyre. Ky vendim i gjykatës u përforcua edhe më tutje me raportin e Autoritetit të Konkurrencës.

Pavarësisht të gjithë kësaj sage ligjore dhe ecejake institucionale dhe ligjore, ku të gjithë ankoheshin për të gjithë, sot e kësaj dite është fakt në dritë të diellit që nafta bruto akoma nuk shenjohet. Realiteti i mosshenjimit të naftës bruto (kryesisht e prodhuar nga Bankers Petroleum) lë vend për hamendësime nga më të ndryshmet. Nga njëra anë, kemi kompaninë koncesionare GFI Albania e cila mund të jetë e paaftë për të realizuar procesin por thjeshtë bën presion ndaj paaftësisë dhe korrupsionit institucional. Nga ana tjetër kemi Bankers Petroleum që këmbëngul me argumenta nga më të ndryshmet për të anashkaluar dhe neglizhuar ligjet shqiptare dhe vendimet e Gjykatës Kushtetuese apo të Autoritetit të Konkurrencës. Por mbi të gjitha dhe para të gjithave, kemi edhe paaftësinë e shtetit shqiptar dhe të institucioneve të veta ligjzbatuese që lejojnë që dy kompani private, njëra që shfrytëzon burimet natyrore të vendit (burimin më të shtrenjtë që kemi në sasi dhe në të ardhura) dhe tjetra që ka fituar një kontratë koncesionare, të cilat me paturpësi i bëjnë shtetit shqiptar karshillëk dhe nuk pyesin për ligjet e këtij vendi. As vendet afrikane nuk janë në të tilla pozita, nëse citojmë iniciativën më të fundit të Nigerisë që hodhi në gjyq Shell dhe Eni për shmangie korruptive prej më se 6 miliardë dollarësh.

Kujtdo mund t?i lindë mendimi që kjo paaftësi e shtetit shqiptar shfrytëzohet në formë korruptive nga zyrtarucë burokratë, të cilët përfitojnë nga allishverishet e kompanive private dhe manovrat e tyre për të shmangur detyrimet kontraktuale dhe fiskale që kanë ndaj shtetit shqiptar.

A është ky një skandal që shteti shqiptar duhet të adresojë urgjentisht dhe me përparësi? A duhet të mbajë dikush përgjegjësi për këtë shkleje dhe pasojat që i vijnë shtetit, interesit publik dhe të gjithë konsumatorëve shqiptarë?/CNA.al