web counter
LEXO PA REKLAMA!

SHKARKO APP

App Store
Google Play

E fundit!

x

OBSH jep alarmin për fruthin/ Shqipëria vend problematik

12 Shkurt 2019, 07:25, Aktualitet CNA

Organizata Botërore e Shëndetësisë ka lëshuar një paralajmërim të fuqishëm në Evropë, pasi sipas saj,prevalenca e infeksioneve të fruthit është në shkallën më të lartë në një dekadë.

Sipas të dhënave të publikuar kohët e fundit, në botë 82,596 njerëz janë infektuar dhe 72 (fëmijë dhe të rritur) kanë vdekur nga sëmundja e parandalueshme gjatë vitit 2018. Këto statistika të fundit janë më të lartat në dhjetë vjet duke vënë në dukje se ato janë ?tri herë më shumë se vitin 2017 dhe 15 herë rekord numri i ulët i njerëzve të prekur në vitin 2016 ?.

Fruthi është raportuar në 47 nga 53 vendet e rajonit evropian të OBSH vitin e kaluar.

Sipas të dhënave, mbi 92 për qind e rasteve të raportuara ishin të pranishme në vetëm 10 vende: Ukrainame numrin më të madh në (53,218), Itali dhe Francë që regjistrojnë respektivisht mes 2500 dhe 2900 raste dhe Shqipërinë me pothuajse 1500 raste.

?Pamja për vitin 2018 e bën të qartë se ritmi i tanishëm i progresit në rritjen e normave të imunizimit do tëjetë i pamjaftueshëm për të ndaluar qarkullimin e fruthit. Ndërsa të dhënat tregojnë mbulim jashtëzakonisht të lartë të imunizimit në nivel rajonal, ato gjithashtu pasqyrojnë një numër rekord të prekur dhe të vdekurnga kjo sëmundje.

Kjo do të thotë se boshllëqet në nivelin lokal ende ofrojnë një derë të hapur ndaj virusit, ?tha në një deklaratë Dr. Zsuzsanna Jakab, kreu rajonal i OBSH për Evropën.

Organizata tha se do të vazhdojë të punojë për të përmirësuar normat e vaksinimit. ?Ne nuk mund të arrijmë popullata më të shëndetshme në nivel global, siç u premtua në vizionin e OBSH-së për pesë vitet e ardhshme, nëse nuk punojmë në nivel lokal. Ne duhet të bëjmë më shumë dhe ta bëjmë më mirë për të mbrojtur secilin nga sëmundjet që mund të shmangen lehtësisht?, tha Jakab.

Fruthi është një virus i lartë ngjitës që përhapet përmes ajrit nëpërmjet kollitjes dhe teshtitjes. Simptomat përfshijnë ethe, skuqje në të gjithë trupin, hundë të bllokuar dhe sytë e kuq. Ndërsa shumica e njerëzve që preken nga sëmundja do të arrijnëtë shërohen brenda dy javëve, fëmijët, të moshuarit, ata me sistem imun të komprometuar ose të prekur nga sëmundje të tjera mjekësore janë në rrezik të pasojave më serioze. Shkalla e vdekshmërisë së sëmundjes është deri në 20-30 përqind në varësi të nivelit të kujdesit shëndetësor në dispozicion dhe individit që është i infektuar.

Sëmundja mund të parandalohet nëpërmjet mjeteve të vaksinimit që u jepen foshnjave. Në shumicën e vendeve, përfshirë Shqipërinë, vaksinimi është falas dhe nëse administrohet në 12 muaj, ofron 95 për qind imunitet ndaj sëmundjes. Ndërkohë që normat e vaksinimit në rajon, janëpërafërsisht 90 për qind, 10 për qind që nuk janë vaksinuar po shkaktojnë rritjen e numrit të infeksioneve.

Ata që nuk pranojnëtë vaksionohen paraqesin rrezik, jo vetëm për veten, por për foshnjat që janë shumë të vegjël për t?u imunizuar ose për ata që nuk mund të vaksinohen për arsye mjekësore.

Koncepti i imunitetit është që nëse shumica e popullsisë është e vaksinuar dhe për këtë arsye imun, sëmundja konsiderohet e zhdukur, deri në atë pikë sa që nuk paraqet rrezik për ata që nuk janë vaksinuar për shkak të moshës ose kushteve mjekësore.

Normat e vaksinimit kanë rënë në nivel global për shkak të mbizotërimit të njerëzve që besojnë se ekziston një lidhje midis vaksinimit dhe autizmit. Lidhja u përmend për herë të parë në një studim i cili që atëherë është tërhequr dhe konsiderohetgjerësisht si mit nga organizatat mjekësore dhe profesionistët në të gjithë botën. Asnjë studim nuk ka gjetur asnjë lidhje midis vaksinimeve dhe shfaqjes së autizmit në fëmijët./ Monitor 





Lajmet e fundit nga