web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Drejtorët surrogato të Edi Ramës

7 Shkurt 2019, 19:43, Aktualitet CNA

Një fushatë lëvizjes të bujëshme ka ndërmarrë kryeministri Edi Rama këto javët e fundit. Pa dashur të përmendim ndryshimin e shtatë ministrave të kabinetit të tij, që sigurisht janë atribut kryeministror, shkarkimi i një serie drejtorësh anonim e të panjohur është treguesi më i mirë i faktit se Rama e bën gjithçka për të thithur elektorat. Pra për të treguar se është reflektues ndaj kritikave që i bëhen. Shikoni skemën e të lëvizurve nën motivin ?për të shëndoshur punën?.

Agron Heto shkarkohet nga drejtimi disavjeçar i KESH-it dhe emërohet në krye të Autoritetit të Kontrollit Ushqimor (AKU). Kuadroviku shumë dekadësh Stefan Çipa shkarkohet nga drejtor i Përgjithshëm i Burgjeve dhe emërohet në drejtim të Entit Kombëtar të Banesave.

Agim Ismaili, drejtori i AKU-së pasi shkarkohet nga kjo detyrë emërohet në vend të Stefan Çipës etj.

Janë lëvizje që bien në sy për faktin se kanë si emërues të përbashkët motivin:?Për të përmirësuar punën?. Gjë që vështirë të besohet, pasi duke qenë se të shkarkuar-emëruarit, prej dekadash vetëm drejtojnë sa një institucion tjetrin, janë tejet të amortizuar e të tejlodhur. Edhe nëse dikur kanë patur energji dhe aftësi drejtimi shtrydhja shumëvjeçare i ka shndërruar këta kuadro në surogato që veç për ndryshim e përmbysje situatash nuk vlejnë.

Nëse vërtetë Kryeministri Rama kërkon të shëndosh punët dhe të forcojë institucionet apo dikastëret që çalojnë nuk duhet të aplikojë rokadën ?Hiqja Lenës dhe futja Prenës?, sikurse vepron, por të bëj rinovim real të drejtuesve, duke i nxjerrë surogatot nga dera për të mos i futur nga penxhereja. /CNA.al





Lajmet e fundit nga