E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

SHBA, Reforma në Drejtësi dhe AntiReforma në Drejtësi

7 Shkurt 2019, 17:43, Aktualitet CNA

Prej disa ditësh ndodhen në SHBA një grup politikanësh shqiptarë të cilët i ka marë me vete Fatmir Mediu për të marë pjesë në Mëngjesin e Lutjeve.

Mëngjesi i Lutjeve është një aktivitet i përvitshëm që organizohet në SHBA në fillim të muajit Shkurt dhe në të mer pjesë si i ftuar nderi Presidenti i SHBA.

Njeriu kryesor i Mëngjesit të Lutjeve në Shqipëri është Kreu i Republikanëve, deputeti Fatmir Mediu.

Vetëm pak muaj më parë Fatmir Mediu organizoi në hotel “Plaza” në Tiranë, Mëngjesin e Lutjeve të Ballkanit ku gjithçka përfundoi me muzikë e valle mes Ilir Metës, Damian Gjiknurit, Klodian Gradecit dhe vetë Mediut.

Po të njëjtët njerëz janë së bashku në Washington DC.

Presidenti i Republikës Ilit Meta, ish ministri i shkarkuar i Energjitikës, Damian Gjiknuri dhe ish drejtori i shkarkuar i OST, Klodian Gradeci.

Ndërkohë që Damian Gjiknuri dhe ish vartësi i tij, Klodian Gradeci, janë nën hetim për çështjen e kmpanisë “DH Albania”, bën shumë përshtypje përzgjedhja e Fatmir Mediut për tu siguruar ftesa për në Mëngjesin e Lutjeve këtyre të dyve.

Nga ana tjetër është e habitshme sesi Fatmir Mediu qëndron në krah të Lulzim Bashës si Aleat, ndërkohë që Lideri i Opozitës Basha kërkon çdo ditë arrestimin e Gjiknurit, Gradecit dhe Afrim Qendros, kryerepublikani i çon këta në Washington për tu garantuar imunitet publik.

Pikëpyetjet janë të mëdha edhe për sinqeritetin e Presidentit Ilir Meta.

Debati më i fundit i Ilir Metës me kryeministrin Edi Rama ishte pikërisht për çështjen e aferës së Unazës së re dhe kompanisë “DH Albania”.

A e ka seriozisht Ilir Meta këtë përplasje publike me Kryeministrin apo Fatmir Mediu i ka bërë bashkë me Damian Gjiknurin dhe Klodian Gradecin për ti paqtuar e për tu marë vesh?

Si do ta rrëzojë kjo Opozitë në dt. 16 Shkurt Edi Ramën nga Qeveria, kur presidenti Meta dhe aleati i Bashes, Fatmir Mediu janë bashkë me Klodian Gradecin e Damian Gjiknurin në një barkë?

Duke qenë se presidenti Meta është bashkëshorti i kryetares së LSI, Monika Kryemadhi, dhe Fatmir Mediu është aleati më i afërt i Lulzim Bashës, duket se beteja e Opozitës është ose e minuar që në krye të herës, ose e kompromentuar dhe teatër i shëmtuar.

Çfarë mendimi ka Lulzim Basha për aleatin e tij Mediu, që shfaqet në krah të njerëzve nën hetim për tu dhënë imunitet publik duke i çuar në SHBA?/CNA.al