web counter
LEXO PA REKLAMA!

SHKARKO APP

App Store
Google Play

E fundit!

x

Përshkallëzohet kriza/ Franca tërheq ambasadorin nga Italia

7 Shkurt 2019, 17:42, Aktualitet CNA

Marrëdhëniet midis Francës dhe Italisë janë përkeqësuar akoma më shumë.

Franca ka vendosur të tërheqë ambasadorin e  saj nga Italia, pas degradimit të situatës.

Ky lajm u bë publik, në një deklaratë për mediat, nga zëdhënësja e Ministrisë së Punëve të Jashtme në Francë, Agnès Von Der Mühll, e cila tha se ky vendim është nxitur nga akuzat e përsëritura dhe sulmet e pabaza të bëra nga pala italiane.

“Interferencat e fundit janë një provokim i papranueshëm. Ata shkelin respektin ndaj zgjedhjeve demokratike”,- u shpreh Von Der Mühll.

Acarimi i marrëdhënieve midis dy vendeve arriti kulmin me lajmin për vdekjen e qindra refugjatëve, që humbën jetën në Detin Mesdhe në muajin janar.

Vdekjet e emigrantëve, e rikthyen te vendimi i Italisë për të ndaluar operacionet e kërkimit-shpëtimit në Mesdhe.

Zëvendëskryeministri italian,  Luigi di Maio, njëkohësisht kreu i Lëvizjes ?5 Yjet?, takoi ditën e djeshme përfaqësues të lëvizjes së jelekverdhëve.

Ky lajm u bë publik nga Di Maio, në një postim në rrjetet sociale, ku shkruan se era e ndryshimit ka kaluar në Alpe.

“Era e ndryshimit ka kaluar nëpër Alpe. E përsëris: era e ndryshimit ka kaluar nëpër Alpe.?-shkruan ai.

Pas këtij takimi Di Maio dhe  ministri i Brendshëm italian, Matteo Salvini bën një sërë vërejtjesh për dhunën e ushtruar në protesta.

Media franceze Le Monde, raporton se ministri i Brendshëm italian po përpiqet të organizojë një front evropian të së djathtës ekstreme kundër pro-evropianëve, të cilët përfaqësohen nga kreu i shtetit francez.

Ndërsa, zëdhënësja e Ministrisë së Punëve të Jashtme në Francë u shpreh se fushata për zgjedhjet evropiane nuk justifikon mungesën e respektit.

“Fushata për zgjedhjet evropiane nuk mund të justifikojë mungesën e respektit për secilin popull apo për demokracinë e tyre”,-tha Agnes Von Der Mehhll./CNA.al





Lajmet e fundit nga