Lidhje me banda dhe pasuri në “të zezë”/ Orët e fundit të Donika Prelës si prokurore?

4 Shkurt 2019, 10:12, Aktualitet CNA

Drejtuesja e komanduar e Krimeve të Rënda Donika Prela, rrezikon shkarkimin nga Vettingu. Të paktën sipas shkeljeve ligjore që janë ngritur së fundmi nga Opozita dhe mediat.

Nesër Komisioni i Pavarur i Kualifikimit pritet të dalë me një vendim. Prokurorja Prela dyshohet për pastrim parash si dhe për për një sërë problemesh të shfaqura në raport me ligjin.

Për më tepër ajo së fundi është akuzuar nga Partia Demokratike, si pjesë e përgjimeve me kreun e bandës së Avdylajve. Ndërkaq mediat kanë lëshuar alarmin se janë zhdukur përgjimet kur del zonja Prela.

Në fakt vendimi për Prelën ishte parashikuar të jepej që javën e kaluar, por për shkak të fakteve të reja që dolën në dritë, KPK u detyrua të shtynte afatin.

Me 22 shkurt, kur ishte në senacë dëgjimore para KPK-së, Prela u “gozhdua” nga përfaqësuesi i ONM Teo Jacobson.

?Jam i sigurtë që ju mund të keni provuar që të pini ilaçe në mëngjes, e ato ilaçe lënë një shije të keqe, prandaj nuk mund ta pish mirë kafen. Por, pas drekës shija përmirësohet. Kam lexuar dosjen tuaj dhe ne nuk kemi arritur ende në kohën e drekës për të shmangur dyshimet dhe për të larguar shijen e keqe në gojën time?, ka thënë Jakobson.

Nga ana tjetër Prela pranoi se kishte shkelur Ligjin, por u justifikua duke thënë se në Shqipëri kështu ndodh.

?E kuptoj shqetësimin tuaj, por unë dhe bashkëshorti im kemi jetuar në Shqipëri dhe jo në një vend të Bashkimit Europian, ku një marrëdhënie pune fillon dhe mbaron në mënyrë të ligjshme?, ka thënë Prela.

?Ndoshta është karakteri im i keq, por nëse do të më ndodhte mua kjo gjë, nuk do të kërkoja ndërmjetësim, por do ta padisja në gjykatë?, iu kundërpërgjigj Jacobson.

Por, Prela sërish ka këmbëngulur se ajo dhe Jacobson jetojnë në dy realitete të ndryshme.

Në fakt për Prelën nuk mungonin faktet për shkarkim që një javë më parë, por sërish u vendos për shtyrje.

Si mund të ndodh që një prokurore dhe aq më tepër drejtuese e Prokurorisë për Krime të Rënda të pranojë se ka paguar taksat, se jeton në Shqipëri?.

Ky është skandal dhe për këtë Donika Prela dhe të tjerët si ajo, duhet të përgjigjen një për një, madje dhe para drejtësisë.

Shmagia nga taksat është vepër penale. Prela pranon se e kanë kryer këtë vepër penale, se nuk jeton në vendet e BE-së.

Prela është prokurore dhe duhet ta dijë qartë se cili nen, dërgon pas hekurave ata që shmangin detyrimet tatimore.

Ne po publikojmë nenin 181 të Kodit Penal që ka lidhje me shmangien e taksave, pavarësisht se Prela e di më mirë se cili nen e kap në këtë rast.

Në nenin 181 të Kodit Penal mbi mospagimin e taksave dhe tatimeve, thuhet se ? Mospagimi i taksave dhe tatimeve brenda afatit të caktuar, megjithë mundësinë e pagimit të tyre, nga personi ndaj të cilit janë marrë më parë masa administrative për këtë qëllim, dënohet me gjobë ose me burgim gjer në tre vjet?.

Sipas raportit të inspektoratit të deklarimit të pasurive zonja Prela kishte probleme me deklarimet e pasurisë, cka u konfirmua dhe nga hetimet e KPK-s.

KPK kishte konstatuar se bashkëshorti i zonjës Prela, Vangjel Prela prej 2003 deri në 2011 kishte marrë pagesën nga një kompani ndërtimi cash duke shmangur pagesën e sigurimeve shoqërore dhe tatimet.

Nëse KPK, nuk është politike, orët e Prelës si prokurore sa vijnë dhe shkurtohen. Më poshtë po sjellim edhe shkrimet e tjera referuar denoncimeve që kanë mbërritur në redaksinë tonë për zonjën Donika Prela./CNA.al

Fakte të rënda/ Donika Prela e përfshirë në pastrim parash

Juristi plas ?bombën?/ Donika Prela e përfshirë në pastrim parash?

Kryeprokurorja e skandaleve dhe sherreve/ Donika Prela në Vetting

Kryeprokurorja e Krimeve të Rënda/ Gruaja që ?ha? burra

Krimet e Rënda në kaos/ Donika Prela u ?lidh? duart prokurorëve