web counter
LEXO PA REKLAMA!

SHKARKO APP

App Store
Google Play

E fundit!

x

Rama pa qeveri/ CDU del në mbështetje të Bashës

4 Shkurt 2019, 09:20, Aktualitet CNA

Kryekëshilltari Ekonomik i CDU-së, Martin Henze ka shprehur besueshmëri dhe mbështetje për kreun e Partisë Demokratike, Lulzim Bashën.

Në një postim në rrjetet sociale ish-kryeministri Sali Berisha ka publikuar intervistën e Henze për Shijak TV.

Zyrtari gjerman ka thënë se që prej viti 2013 Shqipëria është zhytur në një gjendje katastrofale.

?Viti 2019, është një vit tej mase i rëndësishëm për Shqipërinë. Prej vitit 2013 gjendja ekonomike falë politikave qeverisëse është në gjendje katastrofale. Ne kemi arritur të shohim që rreth 600 mijë deri në 700 mijë shqiptarë kanë braktisur vendin, kanë emigruar dhe kjo më së shumti për arsye ekonomike. Kjo është një fatkeqësi për vendin, një fatkeqësi për prindërit e këtyre fëmijëve, kjo është një fatkeqësi për të gjithë. Në këtë situatë Shqipëria është në një udhëkryq të madh dhe nëse nuk do të reagojë brenda vitit 2019-2020, do të jetë tepër vonë?-u shpreh ai.

Më tej, Martin Henze ka folur edhe për mënyrën se si Partia Demokratike duhet të ndryshojë ekonominë e vendit. Ai theksoi se në 28 vjet Shqipëria është shkatërruar nga politika, ndaj sipast tij Basha duhet të bëj ndryshimin.

?Partia Demokratike ka një detyrë mjaft të rëndësishme që të krijojë një fillim të ri ekonomik të Shqipërisë, të lërë pas atë se ç?është bërë këto 28 vjet në politikën shqiptare dhe të vazhdojë më tej. Zoti Basha dhe ekipi i tij janë mjaft profesionalë dhe i kanë idetë e qarta dhe do t?i mbështesim ata që kur të jenë pjesë e qeverisjes të jenë po ashtu të suksesshëm. Taksa është një pikë mjaft e rëndësishme. Nga viti 2013 e deri më sot, taksat në Shqipëri janë rritur në mënryë katastrofale. Partia Demokratike dhe programi i saj kanë në qendër taksat. Taksat do të ulen deri në 9% dhe kjo do të jetë një shtysë e madhe për të zhvilluar ekonominë. Synimi i platformës ekonomike shqiptare është që edhe ata shqiptarë që janë larguar nga Shqipëria prej 2013-ës të kthehen në vend dhe të kenë mundësi të kontribuojnë këtu?,- tha kryekëshilltari ekonomik i CDU-së.

Ai nuk harroi pa përmendur edhe koncesionet dhe e vuri theksin te dhënia e tyre për interesa të qeverisë./CNA.al





Lajmet e fundit nga